سمر فرج فودة تكتب:.
ان اسرائيل بتتكلم في جيش و دولة و عدو و مواطنين .. فلسطين بتتكلم عن نصرة و دين و حماس و نصر الله و القسام و الخليفة و الإسلام لما هينتصر على اليهود و الحجر لما هينطق ..
انا مش بقلل من فلسطين بس دول لغتين مختلفتين تماما ..
السلاح مختلف ، الثقافة مختلفة ، التطور و التكنولوجيا و التعليم مختلفين..
ازاي العالم كله منتظر ان الفلسطينيين يرجعوا أرضهم في حرب غير متكافئة؟؟!! على أي أساس هذا الاعتقاد ؟ هل منتظرين معجزة من السماء لانهم مسلمين ؟!
رغم تعاطفي الشديد مع المستضعفين من الفلسطينين و لكن ليس هذا عصر المعجزات .. ليس عصر التمنى و الدعاء .. اذا كانوا معتمدين على الأمة الإسلامية و الخليفة المزعوم ان يأتوا لنجدتهم فيؤسفني ان اقول لهم انهم سينتظرون إلى الأبد .. سينتظرون حتى تتلاشى أرضهم تماما ..
هو مصر لما حاربت إسرائيل حاربتها بالإسلام و لا بجيش مصري قوي فيه مسلم و مسيحي ؟
مصر حاربت يهود و لا حاربت جيش إسرائيلي؟؟!!
انا بجد زعلانه على الفلسطينين اللي بيموتوا كل يوم بسبب شعارات المتأسلمين اللي بيكسبوا دنيا على حساب ارواحهم .. لو القضية الفلسطينية اتحلت هيكسبوا منين و هيشتغلوا ايه ؟؟
هما حاليا بيشتغلوا الفلسطينيين..
مش هقول شعارات و لا هحط العلم و لا صور ضحايا و اتشحتف على الفيس بوك بكلمتين و ابقى كده عملت اللي عليا و ادخل انام لانه كلام في كلام ..
إنقاذ فلسطين مش من على الفيس بوك ..
لكن هقول لكم ابنوا جيش قوى علشان محدش هيحرر أرضكم غيركم .. انبذوا اللي بيتاجروا بأسمكم منكم و اتحدوا على وطن مش على دين .. احنا حاربنا اللي مننا علشان مسكوا سلاح و كانوا ضدنا ( بإسم الإسلام ) ..
اللي سعوا لتحرير أرض مصر كان اسمهم الضباط الأحرار مش الشيوخ الاحرار .. اللي حارب إسرائيل كان الجيش المصري مش علماء الأزهر و شيوخه ..
تصبحوا احرار على وطن .. مش على خلافة ..
ليست هناك تعليقات:
إرسال تعليق