🕯 و لا ندرك إنهم جهال العالم و ضعفاؤه الذين إختارهم الله ليخزينا‬ ..

جورج جريس يكتب :

📿 لو وقفت في الشارع علشان واحد هايلمّع لك جزمتك ....💫خلّي بالك كان في واحد زيه من زمان نقل جبل و كل الإكليروس كانوا وراه ‬.. القديس سمعان الخراز

📿📿📿📿📿📿

📿 ‪ولو شفت واحد بيجر عربية بإيده في الشارع 💫 ماتنساش ان فيه بياع ملح زمان .. كان بيلف في الشوارع زيه .. بنوا علي إسمه كاتدرائية في العباسية و جعلوها مقر قداسة البابا ‬.. و هو الأنبا رويس ..
📿📿📿📿📿📿

📿 ‪و لو شفت واحد لبسه متقطع و مش عاجبه حالنا و عدم توبتنا .. 💫 إفتكر اللي كانت الناس بتهزأ بيه زمان و تقول برسوم العريان ..
📿📿📿📿📿📿
‬
📿 ‪ولو شفت واحد غني جدا داخل الكنيسة بكل خشوع ويحيا بمخافة الله 💫
ها يفكرك بواحد بني كنائس كتير أوي وأعطي الكثير جداً للفقراء و مذكور في السنكسار .. المعلم ابراهيم الجوهرى ..
📿📿📿📿📿📿
‬
📿 ‪و لو جالك صنايعي يعمل ليك المحارة و النقاشة في شقتك الجديدة عامله بإحترام كبير ..💫 لأن ناس زيه استحملت عذاب أربعين يوم في ليبيا ممكن أنا و أنت ماكنّاش نقدر نتحمله.
📿📿📿📿📿📿
‬
📿 ‪ ولو عرفت ان فيه شاب بقي ملحد أو كل يوم في الديسكو .. 💫 ما تنساش إن أغسطينوس واحد من أعظم مفسري الكتاب كان عايش هو كمان زيه .. و أصبح أسقف ..
💫و ياريت تفتكر كمان أمه اللي بصلاتها صاروا مؤمنين و تائبين ..
📿📿📿📿📿📿
‬
📿 ‪و لو سمعت عن واحدة بتبيع جسدها للرجال ..💫 أصبر .. يمكن تكون نهايتها زي بائيسة التأئبة و مجدها العظيم في السماء !
📿📿📿📿📿📿

📿 و أكيد إنت عارف إن فيه إتنين ستات متجوزين كانوا زي القديس مقاريوس فى القداسة 💫

‪📿📿📿📿📿📿

💡بإختصار القديسين ليسوا فقط خرّيجي الصحراء و الأديرة لكن ..
📿 ممكن يعيشوا وسطنا 💫و نشوفهم كل يوم ..
📿 و نشفق عليهم ..
أو
💫 نشمئز من حالتهم ..
أو
📿 ندينهم

🕯 و لا ندرك إنهم جهال العالم و ضعفاؤه الذين إختارهم الله ليخزينا‬ ..