بقلم // نادى حنا
تذكر احمد بانه لابد ان يقوم بتوصيل خطاب محروص لوالده الحاج سالم
ولكن
اذا ذهبت الى الحاج سالم سيقتلنى والدى او سيفهم باننى ومحروص معا ويطلب منى قتله
لا استطيع قتل صديق عمرى
ليس صديقى فقط ولكنه ايضا برئ
كيف اقتل برئ . بالتاكيد سيعاقبنى الله على ذلك
وستعاقبنا عائلة محروص فهى تضم عدد كبير من المجرمين
انا فاكر لما كنا بالابتدائى لما عائلة هريدى قتلت سعيد ابنهم
راحوا قتلوا كل رجال العيلة وعملوا مذبحة اتكلمت عنها كل الصحف
وبصراحة مش بيعتدوا على احد بس لما بيعاقبوا اللى بيعتدى عليهم بيكون العقاب قاسى
اروح انا اقتل ابنهم البرئ واللى كلهم بيفتخروا بيه !
ابوى عايز يقضى علينا
شكلنا مش اولاده حتى امنا بيتهالى عايزه تضع السم فى الاكل وتقضى علينا
انا اعطى الجواب للحاج على ابو سويلم واقول له يوصله وكده افضل
خرج احمد من منزله يسير بالشارع بحثا عن الحاج على ووضع على راسه طاقية حتى يدارى مكان الضربة التى وجهتها والدته لراسه
نظر فى وجوه الجالسين على قهوة سعد البحراوى ووجد الحاج على بيده كوبا من الشاى
اشار احمد للحاج على
قام على على الفور وذهب اليه متسائلا
خير يا احمد فيه حاجة ؟
نسيتنى ياولد .حمد لله على سلامتك ياولدى
جيب متى ؟
النهارده ياعمى على
طيب تعال اشرب الشاى
لا شكرا
بس معى امانه عايزك توصلها
اكيد ياولدى تحت امرك
بس الكلام ده مش عايز مخلوق يعرفة يا عمى الحاج على
يابنى متخافش
ايه الموضوع ؟
محروص بن عمى الحاج سالم كان معى بمركز التدريب وباعت جواب لابوه بس مفيش غيرك ممكن يوصله
اكيد ياولدى اوصله
بس اوعى ياعمى على حد يعرف الموضوع
ليه ياولدى ؟
وليه ما توصلوش انت لابوه ؟
معلش ياعمى على لان الجواب فيه اسرار ويمكن لو وصلته لعمى سالم يفكر انى قراته ولا حاجة
طيب ياولدى مع انى مش مقتنع بكلامك لكن هاوصله
فى هذا الموقف تاكد الحاج على بان شكوكه كانت صحيحة
اخذ الجواب وذهب الى الحاج سالم
ياحاج سالم . يا ابو محروص !
اتفضل ياحاج على خير
ولدك محروص ارسل خطاب من الجيش
بس عايزك تقراه قدامى علشان اطمن انا كمان عليه
حاضر ياحاج على انا عارف انك بتحبه كتير
قرا الحاج سالم خطاب ابنه واطمئن الاثنين على محروص
كانت الساعة قاربت على الثالثة عصرا
عبد العال المحامى طرق باب الحاج مروان
مين ؟
انا عبد العال المحامى ياحاج مروان
فيه جديد ولا مفيش ؟
لا فيه جديد ياحاج مروان
خير
لا مش خير ياحاج
متنطق يامحامى انت قول فيه ايه ؟
قضية المرحوم حمدان
مالها اتكلم بسرعة
اتحفظت ولم يستدلوا على الفاعل ياحاج
بس كده ؟
اما انت محامى خيبان صحيح . احنا خلاص عرفناه
قول للمحكمة بتاعتك دى انتى متنفعيش ببصلة
ياحاج مروان دى اجهزة الامن اللى بتدور وتبلغ المحكمة
ماشى
شرفت يامحامى
تشرب شاى ولا شربت قبل متيجى ؟
لا شربت ياحاج
طيب ياخوى طريقك اخضر ورينى عرض اكتافك قبل ما اغير رايي واعتبرك انت اللى قتلت ولدى
انصرف الاستاذ عبد العال المحامى
لا يستطيع الحاج على ابو سويلم ان يبوح بشئ للحاج سالم ابو محروص
لانه فى هذه الحالة سوف يتسبب بقيام حرب بين عائلتين
وهو شك فقط
فهل يتسبب بكارثة بالقرية لمجرد شكوك ؟
فضل الحاج على السكون مع متابعة للاخبار للاطمئنان على محروص كلما امكن ذلك
عاد احمد الى المنزل ليجد امه تغطت تماما بالتراب
فيه ايه يا امى يعنى انتى ناقصك طين تانى بتطينى نفسك اكتر ؟
انتى بقى شكلك مثل الشيطان من التراب وريختك كانك بلاعة مجارى مفتوحة
اخوك المرحوم حمدان
ماله ؟
الحكومة معرفتش اللى قتله
وقع احمد فى صمت رهيب وحزن بالغ لانهم فى هذه الحالة لامفر من قتل محروص الغلبان البرئ اليتيم
قضى احمد اجازته ولم يستطيع التحدث الى ابيه فى موضوع سوسن
تم توزيع محروص واحمد الى القوة الاساسية وتم ادراج اسماؤهم بنفس الكتيبة
بدا يتغير قلب احمد تجاه صديق عمره محروص وبدا يفكر بقتله
بدا يفكر هل يذبحه بالليل ؟
هل ينتظر فرصة الرماية فيطلق عليه راسه ؟
فى الحالتين سيحاكم عسكريا وسوف يتم اعدامه
هداه تفكيره ان يطلب منه السفر ليسلم على والده واخوته ثم يدفعه من القطار وهو يسير بسرعة
مالك ياحمد من لحظة عودتك وانت بقيت شخص تانى ؟
يعنى بقيت عمر بدل احمد ايه كلامك الماسخ ده ؟
لا مش قصدى
عمى الحاج مروان تعبان ولا الحاجة ام حمدان ؟
لا كلهم بخير الحمد لله
طيب ابوى واخواتى فيهم حاجة وانت مش قادر تقول ؟
كلهم زى الجن
طيب مالك ياصديقى ؟
مفيش
براحتك ياحمد بس لو حابب تتكلم هتلاقينى منتظرك
انا عايزك تنزل معى الاجازة القادمة يامحروص لان كل البلد مشتاقين عليك
انت عارف يا احمد باشتغل الاجازة علشان اصرف الايام الموجود فيها بالوحدة
متخافش استلف اللى انت عايزه
طيب واسددلك منين بقى ياشاطر ؟
كل الاموال اللى كانت معى قبل التجنيد خلصت
رفضة محروص الذهاب الى القرية
بدات العلاقةةبين محروص سالم واحمد مروان يشوبها الغموض
كان الجو شتاء
اصيب احمد بنزلة برد شديده
احس بالبرد الشديد يريد غطاء والمزيد من البطاطين
احضر محروص غطاؤه ووضعه على احمد رغم ان الجو كان باردا جدا
اخذا احمد يعود لصوابه
هل اقتل شخصا برئ فضل ان يقتله البرد ليغطينى بغطاؤه ؟
ماذا ييفعل ؟
وقع احمد فى حيرة كبرى
امتنع عن ااكل وبدا جسمه يضعف الى ان حان وقت الاجازة
صمم احمد ان يسال والده عن ماذا فعل بموضوع سوسن ابنة الحاج عبد الكريم التى كان كل ليلة يحلم بها وبجمالها
وكان احيانا يتغنى بجمالها وسحر عينيها اثناء نومه
كما ان جمالها لم يفارق مخيلته
ذهب احمد الى قريته وذهب محروص يبحث عن العمل
وبمجرد وصول احمد الى المنزل
امى وحشتينى
انه تنظر الليه بغيظ
اين ابى ؟
بالحقل
انطلق احمد الى والده
وجده واقفا وسط الزرعة ويقوم بالرى
ذهب احمد الى والده وقبله وقبل يده
ابى ؟
عملت ايه فى موضوع بنت عمى الحاج عبد الكريم ؟
انت عايز تتجوزها ؟
اكيد يابوى انا فعلا باحبها منذ ان كنا صغار
ماشى نروح لابوها اليله
بس بشرط
قول اى شرط يابوى انا مافق عليه
تقتل محروص وتجيب ايده معاك
هل سيوافق احمد ؟
وهل هذا هو الشرط الوحيد ام توجد شروط اخرى ؟
ما الوقت الذى وعد مروان ان يذهب الى الحاج مع الكريم مع احمد لخطبة سوسن ؟
الجزء السادس
خيم الحزن على وجه وقلب احمد واصبح بين نارين
هل يقتل صديق عمره ؟
هل يتخلى عن محبوبته ؟
وضع مروان ابنه بين حجرى الرحا وخيارين ةفضلهما امر من المرارة
جلس يفكر
هل اقتل صديقى ؟
لا استطيع .فانا اعلم انه برئ
اذا لم اقتله انا فسوف يقتله ابى او اخى او حتى امى لو قابلته لن تنتظر لحظة وهى دائما تضع السلاح بملابسها
واكون بذلك ليس لى الحق فى طلبى بالزواج من فتاة احلامى
لكن
يطلب والدى ان اقطع يده لاحضرها له
ما هذا الجبروت ان والدى ووالدتى لا يعرفان الرحمة
سافر احمد الى الجيش عقب الاجازة حزينا للغاية ولا يعلم كيف يفكر او ماذا يفعل
لن اذهب الى القرية مرة اخرى ولن اتقابل مع والدى ووالدتى انهم يساومونى على قتل اعز اصدقائى البرئ وانهم لن يصدقوا معى فى الزواج من سوسن
ثم اننى بمجرد ان اقتل محروص ستقوم عائلته بقتلى ولن اعيش لاتزوج وحتى لو تركنا القرية فلن استطيع العوده للزواج من سوسن
قرر احمد ان ينسى الموضوع برمته
ولن يقتل صديقه البرئ ليرضى والديه فهم مرضى نفسيين
نظر احمد فوجد صديقه محروص حضر هو الاخر للوحده قام احمد ليسلم على محروص عناقا حارا
شوف يا احمد ؟
ايه . شوف ساعة اليد هذه
دى غليه يامحروس . مفيش حاجة غالية . ربنا وفقنى فى الشغل الاجازة دى
اشتغلت فى مصنع كبير وصاحبه رجل كريم
حلوة الساعة يا احمد ؟
اكيد شكلها جميل وغالية
مبروك عليك ياصاحبى
ده كتير ياخويه انت مجند
مفيش حاجة تغلى عليك يا احمد انت اخويه
بكى احمد دون ان يدرى احتضن محروص
ايه ياحمد شكلك بيقول فيه حاجة حصلت بالبلد
لا متاخدش ببالك يامحروص يا اخويه الغالى
مفيش حاجة هتفرق بيننا طول العمر
اكيد ياحمد انا مش ممكن اسيب اخويه وصديقى
المجند محروص سالم يحضر لمكتب القائد
سمع احمد ومحروص بميكوفون الوحده
خاف احمد ان يكون اخبار وصلت للقائد عن نية والده قتل محروص
محروص لا يعلم ماذا يريد القائد
ذهب محروص وطرق باب مكتب القائد واعطاه التحية العسكرية
وقف محروص ينتظر اوامر قائد الكتيبة
يامحروص انت لسه راجع من اجازتك . صح؟
تمام يافندم
حد كان تعبان بالبيت ؟
انا لم اذهب للقرية يافندم
ليه يامحروص ؟
باشتغل الاجازة علشان المصاريف يافندم
طيب يامحروص انا عملتك اجازة خمسة ايام وتسافر الان يامحروص لان والدك توفى بازمة قلبية تم ابلاغى وتروح الان علشان جنازة والدك
جلس محروص بجوار باب مكتب القائد واخذ يبكى بصوت مرتفع
ياريتنى روحت شفته
ذهب اليه القائد ووضع يده على كتف محروص وساعده على الوقوف
معلش يابنى
اتفضل علشان تسافر
ذهب محروص الى صديقه احمد وقال له انه مسافر للقرية لان والده
توفى ولازم يسافر يحضر الجنازة
انقبض قلب احمد وهب واقفا متسافرش يامحروص
علشان خاطرى ابوك مات وخلاص . الغى الاجازه دى
حاول احمد كثيرا ولكن كان محروص قد اتخذ قراره الذى لا رجعة فيه
يامحروص الغى الاجازة
ليه ياحمد ؟
لو شافك ابوى او اخوى او حتى امى بالبلد هيقتلوك وبيقولوا انك قتلت حمدان
ياحمد انا ممكن اقتل ؟ واقتل ليه ؟
واقتل حمدان اخو صديقى ؟
طبعا مستحيل اعمل كده ياحمد
انا عارف ومتاكد . وهم عارفين ومتاكدين بس علشان كلام الناس
لا يا احمد انا مسافر . اكيد ربنا هيظهر الحقيقة
انطلق محروص عائدا الى قريته متجاهلا توسلات احمد لاثناؤه عن السفر
الدموع تسيل نت اعين محروص طوال الطريق طالبا الصفح والغفران من والده الذى لم يراه منذ عام او اكثر
جاءت محطته المنشوده
هب للنزول يحاون ان يكون بمنزل والده فورا لالقاء النظرة الاخيرة على جثمان والده
ولكن من كان فى انتظاره ؟
كان مروان وابنه محمود على رصيف القطار ينتظرون محروص
كان مروان هو من ابلغ بوفاة والد محروص وطلب ان يرجع محروص لتشييع جثمان والده الى مثواه الاخير
فور نزول محروص من القطار انهال عليه مروان وزوجته وابنه طعنا بالسكاكين والسواطير حتى اردوه قتيلا فى الحال ثم انزلوه اسفل عجلات القطار ليقوم بتمزيق جسده
مات محروص
من افضل شباب القرية وزينتها
مات صاحب الاخلاق الحميدة
سرعان مانتشر الخبر ووصل اهل محروص
تركوا جثة والده بالبيت وانطلقوا الى محطة القطار ليلملموا اشلاء افل مالديهم من الشباب
تفرقوا بكل مكان بحثا عن مروان واى واحد من عائلاته هو او زوجته
ركب مروان وزوجته وابنه القطار الذى نزل منه محروص
قام المخبرين السريين بالقطار بابلاغ شرطة النجدة التى انتظرتهم بالمحطة التالية
تم القبض عليهم وبحوزتهم ادوات الجريمة
ماذا سيفعل اهل محروص .
السولم عائلة قوية جدا جدا ولا يعتدون على احد ولكن يعاقبون من يعتدى عليهم اسوا عقاب
ماذا سيفعلون ؟
هل سيدفنون والد محروص ام لهم راى اخير ؟
هل سيعاقبون كل عائلة مروان ام سيعاقبون مروان فقط ؟
هل سيصلون اليه فى الحجز بالمركز ام سينتظرون حتى خروجهم ؟
ماذا سيفعلون بمنزل مروان ؟ الجزء السابع والاخير
اجتمعت عائلة محروص ( غائلة السوالم ) واقسموا وتعاطف معهم اهل القرية بانهم سينتقمون لمقتل افضل شاب فى القرية علما وخلقا
وقسموا انفسهم الى فرق للبحث عن اهل مروان واهل زوجة مروان
وتجميعهم فى الحوش القبلى
وفريق جند نفسه للبحث عن مروان وابناؤه
وفريق ذهب للسؤال عنهم فى المستشفيات
وفريق للبحث عنهم بالاقسام
الووو
الحاج محمود السوالمى ؟
ايوه . مين معايا ؟
انا عبد السلام امين الشرطة
ايوه ياولدى عايز حاجة ؟
انا بالمركز وعندنا الراجل الشرير ده اللى اسمه مروان خليل وموته الحرباية وابنه
طيب ياولدى خلى بالك منهم اعطيهم اكل وشرب واهتموا بيهم
واخذ رجال وشباب عائلة السوالم يجمعوا رجال من اهل مروان
واهل زوجته حتى وصل عددهم الى 10 عشرة شباب
واقسموا بالا يتركوا دم ابنهم .واحضروا جثة محروس
ووضعوا جثة مخروص بجوار جثة والده واقسموا بالا يتم دفنهما قبل ان يتم الاخذ بالثار
احضروا قوالب من الثلج لوضعها على جثتى الاب وابنه
الحزن يفوق الوصف
الموقف مهيب
عادة الصعيد الا تصدر النساء صراخ او تبدى اى نوع من الحزن الا بعد الاخذ بالثار
ولكن لابد ان يكون بين من يتم الاخذ بالثار منهم مروان واولاده وزوجته
كيف سيصل السوالم الى مروان وابنه وزوجته وهم بالحجز
وهم فى حماية البوليس
هداهم تفكيرهم الى افتعال مشاجرة
واختاروا ثلاثة شباب اقوياء وقام رجل من السوالم بتحرير محضر للشباب بانهم اعتدوا عليه بالضرب
قام البوليس بالقبض عليهم
تم وضعهم بمركز الشرطة واصبحوا وجها لوجه مع مروان وابنه
زوجة مروان فى مكان اخر مع النساء
طلبوا من الامين عبد السلام الاتصال باحد من العائلة لابلاغهم بان ام حمدان مع النساء
فابلغهم ولكن والسوالم عائلة محافظة ورفضوا ان تدخل نساؤهم السجون
طلبوا مقابلة مامور المركز
ووافق لمقابلتهم وسالهم ماذا تريدون ؟
نريد ان نصطلح مع المشتكى
جمعوهم المشتكى والمشكى فى حقه
وتركوهم ليتناقشوا ويعتذروا ثم يحرروا لهم محضر الصلح
جاء الحاج ربيع الذى تقدم بالشكوى ضدهم
ايه قتلتوهم ولا لسه ؟
لا مقتلناش احد
خفتوا ولا ايه ؟
احنا مش بنخاف ياعمى الحاج ربيع . بس صعب علينا محروص يتقتل على المحطة قدام الجميع ودول يتقتلوا فى السر
ثم زوجة مروان ليست معاهم ومش هتشوف ولدها وهو بيموت
وافق الحاج ربيع على خروج الشباب وعمل الصلح على ان ينتظروا مروان واسرته خارج مركز الشرطة
خرج الشباب وتناوبوا البقاء امام مكان احتجاز القتله
ذهب اخوة محروص الصغار الذين انجبتهم زوجة ابيه ليتنازلوا عن حقهم فى محاكمة مروان وزوجته حتى يتم محاكمتهم فقط عن حق المجتمع الذى ارتكبوا فى حقه تلك الجريمة
لكى يخرجوا من الحجز وتم تحديد جلسة لهم بعد ثلالثة اشهر
وتم الافراج عنهم بكفالة قدرها عشرة الالف جنيها
قامت عائلة السوالم بدفعها لهم
وتم اصدار قرار بالافراج عنهم لحين انعقاد جلسة المحاكمة
علم مروان وزوجته وابنه بان السوالم هم من فعلوا كل هذا
حاولوا ان يمتنعوا عن الخروج ولكن كان قد صدر القرار
خرج مروان واسرته وفى انتظارهم عائلة السوالم وقد احضروا سيارة لياخذوهم للبيت
فور وصول مروان واسرته الى البيت اجتمع كل اهل القرية محاولين قتلهم
رفض الحاج بدر كبير السوالم ان يتعرض لهم احد
محدش يقرب منهم
ليه ياحاج بدر ؟
لما نشوف الطريقة اللى ناخد بيها حق ابننا
ماشى ياحاج بدر
اخدوهم وذهبوا بهم للحوش القبلى حيث يوجد باقى اقربائهم
قتلت ابننا محروص ليه يامروان ؟
علشان قتل ابنى ياحاج بدر
انت عرفت منين ان محروص قتل ابنك يامروان ؟
هو مفيش غيره كان بيجرى بالليل والدنيا ظلام
اللى قتل ابنك من قرية الصهابير يامروان ونصف ساعة ونجبلك اللى قتلوا ابنك
ارسل الحاج بدر رجال من عائلته وذهبوا لاحضار القتلة
مين قتل حمدان ؟ نظروا الى بعضهم ثم اجابوا
احنا اللى قتلناه ياحاج بدر
قتلتوه ليه ؟
اكل حقنا كنا بنتاجر مع بعض ورفض يعطينا حقوقنا
وايه التجارة اللى كانت بينكم ؟
حاجات كتير ياحاج بدر مخدرات وسلاح وكل شيء ممنوع
سمعت يامروان ؟
كنت بدل قتل ولدنا . تعال اسال واحنا نقولك مين قتل ابنك
ضغط مروان وزوجته على اسنانهم ثم سقطوا على الارض طلبا للسماح من الحاج بدر . لكن لا يوجد اذان تسمعهم لانهم لم يرحموا برئ
مين اخبر محروص بوفاة والده يامروان انت ولا ابنك احمد ؟
بسرعة مروان اجاب .
انا اللى بعت تليغراف لمحروص
يعنى ابنك قال لك ان محروص معاه ؟
لا انا لقيت احمد كاتب فى كراسة خاصة به وكاتب فيها انه هو وصديقه محروص مع بعض
يعنى انت متعبتش نفسك وسالت على قاتل ابنك
ودبرت وخططت لقتل شاب برئ . ومش اى شاب ده محروص افضل شاب فى القرية وعلشان ابنك اللى كان فاشل ومجرم
الامر متروك لاخوته واعمامه
ونظر الى اخوة واعمام محروص قائلا
انتم سمعتم الحوار
نعم سمعنا الحوار .
طيب عايزين تاخدوا ثاركم ولا تسامحوا فيه ؟
لا طبعا دول قتلوه بدون رحمة . وكمان فى يوم وفاة والدله . وكمان امام الجميع
يبقى لازم العقاب يكون مناسب
طيب عايزين تقتلوهم ازاى وفين ؟
فى نفس المكان اللى قتلوا فيه محروص
وبنفس الطريقة
طيب هتقتلوهم هم بس ولا معاهم حد من اهلهم ؟
لا هم فقط اهلهم لم يقتلوا ولم يشاركوا بس ناخدهم يتفرجوا
تعالت اصوات بكاء مروان وابنه وزوجته
انهال محمود بن مروان ضربا على وجه ابيه وامه .
تعب احمد وهو يقولكم محروص برئ وملوش ذنب
انتوا تستاهلوا القتل
وانا استاهل القتل علشان مشيت وراكم
ربطوهم بحبال من رقابهم ( مروان وزوجته وابنه )
وسط بكاء من ثلاثتهم
ذهبوا بهم الى نفس المكان الذى قتلوا فيه محروص
اوقفوهم وامسك اخوة محروص سيوفا
وجعلوا وجوههم نحوا قضبان القطار
وانتظروا حتى قدوم قطار سريع
وعندما اقترب القطار
قاموا بضرب ارجلهم بقوة
فاصبحت ارجلهم على الرصيف . بينما اجسادهم اسفل عجلات الثطار
وسط زعاريد كل احباب محروص واهله
ثن تركوهم حتى يقوم اهلهم الموجودين بتجميع اشلاؤهم تمهيدا لدفنهم
وذهب السوالم لدفن جثة محروص وابيه
جاء البوليس بعد دفن الجميع
واستوقف بعض افراد عائلة السوالم
اعترفوا بكل شئ
وتم الحكم عليهم بخمسة عشر عاما لاخوة محروص
هل ستستمر تلك المهازل بالصعيد ؟
الى متى سيظل القانون غائب وكل عائلة عليها ان تاخذ حقها بنفسها ؟
الى متى تستمر الدماء رخيصة وتلطخ الشوارع والارصفة بالصعيد ؟
الم يحن الوقت لنعيش كبشر ؟
ماذا سيكون مصير احمد ذلك الشاب النقى المثف ؟
انتهت الرواية ولم ينتهى مسلسل الثار البغيض
والى رواية اخرى استودعكم الله
ملحوظة
اى اسماء بالرواية هى اسماء مشابهة واعتذر اذا تواجد اى اسم مشابه فى الرواية لاسم اى انسان
ليست هناك تعليقات:
إرسال تعليق