شهيد المنيا أبانوب
أبن مركز ديرمواس
ف السما أسمه مكتوب
ف الجنة راح يا ناس
شهيد بأيدين الأنجاس
ضحى لأجل مصر
أنكتب بالدهب و الماس
أبانوب شهيد العصر
أرهابى مسيره ينداس
هيجى تحت البيادة
راح ينضرب ع الراس
دايما زى العادة
أسمع يا أرهابى أقولك
كلام شوية حساس
قولى أيه دين أمك
أن كان لك دين م الأساس
أبانوب يا شهيد المنيا
بيادتك تتشال ع الراس
أنت ودعت الدنيا
مكانك الملكوت خلاص
شهيد المنيا علاء
أبن مطاى قرية أيوان
فى جنة الشهداء
خلاص بقاله مكان
شهيد بأيدين أرهاب
أولاد حسن البنا
هما ف النار كلاب
لكن شهيدنا ف الجنة
يا أرهاب خسيس م يساوى
جيش مصر جيش الأبطال
إحنا اللى جيبنا عشماوى
متكتف زى الخروف بحبال
هنفضل نضحى و نضحى
بشهيد و مية و مليون
مصر هتولد و هتصحى
شهداء تملا الكووووون
مصر أم علاء و أبانوب
مستحيل أبدا تنكسر
أبو بيادة و مخلة و روب
فى النهاية لازم ينتصر
ليست هناك تعليقات:
إرسال تعليق