طفله امها رمتها في الغردقه من شهر ٣ اللي فات و راحت اتجوزت نطالب بالبحث عنها ومعاقبتها اشد عقوبة ...
الجميل في الموضوع ان ست طيبه من الغردقه اخدتها تقعد معاها وسط ولادها يومين لحد ما المجلس القومي للأمومه و الطفوله يستلمها منها و يتم ايداعها في دار رعايه ..
طيب ايه اللي حصل بعد كده .. ولا حاجه يا ساده .. ولا حاجه
الست الطيبه اللي اخدت الطفله ناقص تبوس ايد المجلس القومي و نجدة الطفل و مسئول وزارة التضامن في الغردقه عشان يستلموا منها الطفله !
الطفله كانت بدون شهادة ميلاد .. الست الطيبه قعدت تترجي المسئولين شهور بالواسطه عشان يطلع للطفله شهادة ميلاد افتراضيه عشان تعرف تطعمها و يعرفوا يدخلوها مدرسه !
من شهر ٣ لحد شهر ٩ حتي الان الست الطيبه مش عارفه تعمل ايه عشان يستلموا الطفله عشان يدخلوها مدرسه عشان حرام تخسر التعليم كمان !
من شهر ٣ لحد دلوقت ميعرفوش الست دي بتعمل ايه في الطفله .. يا تري بتأكل, طيب بتشرب, بتلبس .. الست دي محترمه جداااا بس عشان المجلس القومي بيقول احنا بنخاف علي الاطفال من الخضه, مش يمكن تكون دي ست وحشه و تخطفها و تهرب و تبيعها .. مش يمكن تكون البنت بتتعرض لإنتهاكات و انتوا متعرفوش !
يعني ايه تسيبوا طفله في بيوت الناس بال ٦ شهور مع ان مصر مليانه دور رعايه .. يعني ايه تسيبوا طفله بدون تطعيم ولا تعليم .. يعني ايه متسألوش علي الطفله عند الست علي مدار ٦ شهور .. يعني ايه الست هي اللي تجري يمين و شمال عشان تطلع للبنت شهاده ميلاد !
لو سمحتوا .. كل يوم بيعدي الطفله بتتعلق بالاسره دي اكثر و نفسيتها هتتبهدل لما تاخدوها من عند الأسره دي عشان كده بنقول لحضراتكم اتحركوا بقالنا ٦ شهور !
و في ظل ظروف السياحه في مصر الاسره دي ظروفها بقت صعبه .. لانهم في الغردقه و شغلهم كان معتمد علي السياحه ... عاوزينهم يتسولوا يعني عشان ترتاحوا !
هل بتعاقبوا الست الطيبه انها قررت تعمل خير في طفله .. عيب .. هترتاحوا لو رمتها في الشارع ولا هتحبسوها عشان مش قادره تأكل عيالها !!
بلاغ نجدة الطفل برقم : ١٣٢٦٠
تحديث:
تم منذ قليل التواصل مع الست الطيبه اللي كانت عندها الطفله لمدة ٦ شهور و قامت بتسليم الطفله للجهات المعنيه و سيتم ايداعها دار رعايه.
شكرا لكل مسئول اتحرك و شاف شغله ... و لا عزاء لكل موظف مقصر اهمل في حق الطفله دي علي مدار ٦ شهور.
ليست هناك تعليقات:
إرسال تعليق