دكتور شريف حسين استشاري القلب والقسطرة

👈 الاستاذ صابر🧔 من المتابعين معايا في العياده كلمني وكان قلقان جدا وقالي يا دكتور عايز اجيلك العياده ضروري

👈قولتله 👨‍⚕️ .. تنور وتشرف يا صابر تعالى

لما صابر وصل العيادة قولتله خير يا صابر مالك في ايه

قالي يا دكتور شريف أناهموت من القلق وانا في شغلي امبارح اتعاملت مع شخص مريض كورونا ومكنتش اعرف وخايف لتكون اتنقلتلي العدوي

👈بص يا صابر اول حاجه متقلقش نفسك كده وسلمها لربنا واهم حاجه تكون لابس ماسك وبتعقم ايديك باستمرار و حريص على جميع اجراءات الوقايه وبمجرد يا صابر لما تنزل من البيت تتعامل مع أي حد
اعتبره مصاب الي ان يثبت العكس وده لمصلحتك ولمصلحتهم
وهفهمك كام نقطه كده عشان قلبك يطمن وبالك يرتاح

📌 عشان يا صابر يتنقلك الفيروس من شخص مصاب بعد الشر انت محتاج ١٠٠٠ جزئ من فيروس كورونا وده رقم كبير مش بسيط عشان يتنقل يعني مثلا

📌لو شخص مصاب بكورونا وهو بيتنفس عادي بينقل ٢٠ جزئ من الفيروس في الدقيقه

📌لكن وهو بيتكلم معاك بينقل ٢٠٠ جزئ من الفيروس في الدقيقه

📌و لو عطس ودي بقي الكارثه الكبيره بينقل ٢٠٠ مليون جزئ من الفيروس عشان كده عطسة واحدة ممكن تلبس طبعا الفيروس عشان كده بنأكد مليون مرة علي اهميه لبس الماسك 😷 والمصيبة ان في ناس بتلبس الماسك ولو عطست بتشيل الماسك أثناء العطسة .. حاجة تجنن بصراحة .

طيب يا دكتور شريف انا دلوقتي شغال 👈اعمل ايه في شغلي واتعامل ازاي

📌اهم حاجه يا صابر تكون واخد جميع اجراءات الوقايه

📌و لو في شغلك هتتعامل مع اي شخص زميلك حبيبك مديرك علي انه مصاب إلى ان يثبت العكس
هتخلي مسافه بينك وبينه لاتقل عن مترين و او اتكلمت معاه خلال مده لاتزيد عن ٤٥ دقيقه بيكون خطر الاصابه قليل

📌لكن لو بتتكلم مع شخص وجه لوجه وانت لابس ماسك ولمده لاتزيد عن ٤ دقايق بيكون خطر الاصابة قليل أوي

📌و لو ماشي في الشارع او بتجري🏃‍♂️ او راكب عجله 🚴 بيكون خطر الاصابه قليل جدا

📌و لو نفسك تخرج في جنينه او تروح مصيف 🏝 طالما علي مسافات بعيده ولمده قليله بيكون خطر الاصابه قليل جدا

📌وبصراحة كده يا صابر خد بالك أوى لو في اي مكان مغلق 👈 طالما خارج البيت تكون لابس ماسك ومتقعدش فيه كتير لان نسبه خطر الاصابه عاليه جدا

📌طب يا دكتور شريف أعمل ايه لو كنت في السوق او السوبرماركت

👈لو روحت السوق او السوبر ماركت يا صابر تاخد جميع اجراءات الوقايه ومنطولش في المكان لان نسبه خطر الاصابه متوسطه
ومش هوصيك لو مزنوق وعايز تدخل الحمام بلاش يا صابر الحمامات العامه والمناطق المشتركه نبعد عنها قدر الامكان لان نسبه خطر الاصابه عاليه جدا واستحمل الزنقة عشان خاطري لغاية متروح البيت

والمفروض يا صابر متروحشي أى مطعم أو كافيه ولو خلاص مش قادر تستحمل روح بدري مش في اوقات الذروة و تاخد جميع اجراءات الوقايه و تكون واثق من المكان جدا جدا انه معقم وآمن لان نسبه خطر الاصابه عاليه جدا

⛔️و للاسف الشديد اماكن العمل والمدراس نسبه خطر الاصابه فيه عاليه جدا حتي مع التباعد الاجتماعي نظرا للاعداد الكبيره عشان كده لازم الاجراءات الاحترازية فيه تكون شديدة جدا .

⛔️طب يادكتور شريف انا عندي ابني في حضانة ... اعمل ايه يا دكتور هل الحضانات في منها خوف لاني انا بودي ابني حضانه عشان انا ومراتي شغالين

⛔️بص يا صابر نصيحه لوجه الله لو المدام تقدر تقعد من الشغل بابنك الفتره ده تقعد واكيد انت فهمت من كلامي ده خطوره الموقف اد ايه

⛔️انا عايز اقولك يا صابر في دكتور اطفال بيقول في الطبيعي كان بيجلنا اطفال كتير تعبانه بسبب الحضانات والاختلاط والموضوع قل جدا لما الحضانات قفلت
👈ما بالك بقي دلوقتي في الظروف اللي احنا فيها الوضع هيبقي عامل ازاي

⛔️احذر يا صابر التجمعات الاحتفاليه وحفلات الزفاف بتكون نسبه خطر الاصابه فيها شبه مؤكده و عاليه جدا
قاعة المؤتمرات نسبه خطر الاصابه عاليه جدا و السينمات والمسارح بتكون نسبه خطر الاصابه فيها عاليه جدا

ومعلومة مهمة تعرفها ان الكلام كله يا صابر أنا جبته من مصدر مهم 👇

🔴 مركز السيطرة على الأمراض (CDC) التابع للحكومة الأمريكية الأدلة العلمية الناشئة عن انتقال فيروس كوفيد ١٩ *
سي دي سي هو اعلي هيئه في العالم معنيه يشؤن العدوي و الحميات و هي المسؤله عن الدراسات و الابحاث العلميه التي تطبقها منظمه الصحه العالميه و السلطات الصحيه في كل دول العالم