دى دنيا ولا دى غابة
دى بشر ولا وحوش
بنت الملك خطفوها الديابة
أتدخل يارب و حوش
بنتك ما بين أنياب
ديابة الشر ماليهم
ساقينها م العذاب
ولا راضية تسلم ليهم
بتصرخ بعلو الصوت
بتصرخ خلاص هتموت
يارب مش عارفة تهرب
نجيها من أيديهم
أسقوها العذاب ألوان
ف كاسات المر و التعذيب
مش راح تنكر الأيمان
ولا هتفرط فى الصليب
ربنا جواها و مش ناكراه
عايش فيها دايما فاكراه
اللى فى أيدين الرب
مش ممكن راح تسيب
بنت الملك بتعانى
من كتر الكلام و القول
سيرتها ف مواويل و أغانى
بتتقطع من دول و دول
دى مش ماشية بهواها
ولا حتى أبليس غواها
بنت الملك مخطوفة
ولا لاقية أى حلول
بنتك يارب خاطفينها
رايحة و مش هتعود
ولا حد عارف فينها
ولا حتى ليها وجود
ف سكة ضالة واخدينها
عايزينها تغير دينها
يارب رجعها لأهلها
أكسر حواليها القيود
أعمل شير فى كل مكان
لأجل رجوع أختك فى الأيمان
أعمل يا مسلم أنت كمان
كلمات : محمد فتحى
ليست هناك تعليقات:
إرسال تعليق