دكتور شريف حسين استشاري القلب والقسطرة يكتب:
يمثل تطعيم الإنفلونزا هذا العام ( 2021/2020) أهمية قصوى
حيث تحذر منظمة الصحة من تزامن الإصابة بالإنفلونزا مع إحتمالية الإصابة بفيروس كورونا المُستجد
وقد تعاقدت وزارة الصحة المصرية على إستيراد لقاح الأنفلونزا الموسمية
فلو سمحت كمل قراءة باقى البوست علشان تعرف كل المعلومات عن المصل بتاع السنة ديه لانه مختلف
و لو سمحتوا انا عايز اكبر عدد من الشيرات
إيه هو مصل الأنفلونزا ؟
فى اى حرب و علشان تتغلب على عدوك ، لازم تكون فاهمه و عارفه كويس
و ده ببساطة شديدة معنى كلمة مصل
المصل معناه
ان احنا جبنا الفيروس المسبب للانفلونزا و موتناه
( علشان ميضركش و لا يخليك تتعب)
و بعدين بنحقنه ف جسمك ، فبكده يقدر جسمك او جهازك المناعى يتعرف عليه
و يكوّن ليه اجسام مضادة
من غير ما يسببلك ليك اى مشاكل
يعنى من الاخر حركة دفاعية استباقية لتحفيز جهازك المناعي
و بالتالي عند اصابتك بالفيروس الحقيقى الحى مرة ثانية
جسمك يقدر يتغلب عليه بمنتهى السهولة
-
طيب هو ليه بينزل كل سنة مصل انفلونزا جديد ؟؟
ده لان الفيروس عدو صعب ، دايما بيغير خلقته الخارجية كل فترة علشان جهازك المناعى ميتعرفش عليه
فعلشان كده المصل كل سنة لازم يتجدديعنى انا لو اخدت المصل ده مش هتجيلى انفلونزا؟
اولا انا عايز اتفق معاك على حاجة قبل ما اجاوبك :
** لازم تبقى عارف ان فيه فرق ما بين الانفلونزا و دور البرد العادى
الانفلونزا أعراضها زى البرد بس على أشد ومعاها كحة وسخونة وتكسير فى الجسم
المصل اللى انا بتكلم عنه هيحميك من الانفلونزا الفيروسيةلو اتفقت معايا فى كام نقطة اللى فاتوا
فانا حابب اقولك ان المصل ضد الانفلونزا الفيروسية هيفورلك 4 حاجات :
1. حماية ٨٠٪ من الانفلونزا الفيروسية الموسمية
2. بيقلل حدة الأعراض
3. يقصر مدة الأعراض
4. والأهم إنه بيمنع المضاعفات
طيب هو مين اللى لازم يأخذه ؟؟
كلنا بلا استئناء لازم نأخذه ، و خصوصا اننا محتاجين مناعة قوية علشان نحصن نفسنا
من اى دور انفلونزا ممكن يجيلنا
فيضعف مناعتنا و نكون عرضة لا قدر الله لاى فيروس تانى ( كورونا )
بس لو حبيت اوجه كلامى لناس بعينها :
1. الاطفال ثم الاطفال ثم الاطفال *******
و خصوصا ان المدارس رجعت و احنا فى وقت صعب
2. مرضى حساسية الصدر
لإن دور الإنفلونزا والبرد من المثيرات اللي ممكن تدخله في ازمة تنفسية لا قدر الله
3. مرضى الجيوب الانفية
4. ذو المناعة الضعيفة ، اللى مع اى دور برد بيحصلهم مشاكل كتير
5. كبار السن
6. الحوامل بس يُفضل بعد الثلاثة اشهر الاولى
7. المرضعات
مين أهم مجموعة تأخذ التطعيم ؟
أهم ناس تاخذ التطعيم
كبار السن فوق ٦٠. سنة
أصحاب الامراض المزمنة مثل
أمراض القلب والصدر والسكر والضغط والمناعة
المفروض يتاخد إمتى ؟
يُفضل إعطاءه قبل دخول فصل الشتاء
عشان مفعوله يبدأ يظهر عند بداية موسم البرد
(بيستغرق من إسبوعين إلي ثلاثة أسابيع لظهور تأثيره)
يعني افضل توقيت
سبتمبر و أكتوبر و نوفمبر
ولا يُنصح بإعطاءه أثناء أدوار البرد لكن مش ممنوع
طيب يا دكتور انت ليه بتكلمني عنه دلوقتي يعني ما هو انت اكيد مش هتقول كلام جديد عن السنة اللي فاتت ؟
السنة ديه بقي فيه جديد و هو ان التطعيم اللي نازل هو
( تطعيم انفلونزا رباعي) Influvac Tetra
و دة غير التطعيم الثلاثي بتاع السنين اللي فاتت
ثلاثي و رباعي ايه اللي انت بتقول عليهم دول انا مش فاهم حاجة !!
فيروسات الانفلونزا دي فيه منها انواع منها :A و B
كل نوع بيندرج تحتها سلالات معينة من الفيروسات و بناء علي عدد السلالات اللي موجودة ف التطعيم بنقول عليه ثلاثي و لا رباعي
التطعيم الثلاثي :
دة كان فيه (سلالتين من نوع A + سلالة واحدة من نوع 
التطعيم الرباعي
ده بقي فيه ( سلالتين من نوع A + سلالتين من نوع
طيب هى الجرعة إيه يادكتور ؟ وهل ينفع لكل الأعمار ؟؟
اولا قبل سن 3 سنين
مينفعش نأخذه الا لو ضروري بندي نص المصل بس من نوع vaxigrip tetra
ثانيا فوق 3 سنين حتى 9 سنوات
بياخذ المصل كله
بس بشرط ان الطفل لو كان اول مرة يأخذه فى حياته
لازم يكرر الجرعة بعد شهر
ثالثا 10 سنين فيما فوق
بياخذ المصل مرة واحدة فقط
رابعا المصل يُعطى فى عضلة الكتف بعمق
و ممكن تحت الجلد (في الذراع مثلا)
هل نفضي الهواء من الحفنة قبل اعطائها ؟
نفضيها من الهواء ولو حد اخذها من غير منفضيها ونسي مفيش مشكلة لكن الطريقة الصحيحة نفضي الهواء منها
طيب فى موانع يادكتور للتطعيم او اعراض ؟؟
بالنسبة لموانع الاستخدام :
1. اى حد عنده حساسية من البيض ولو ان ده.تم.استبعاده او لمضاد حيوى من نوع جينتاميسين
2. اي حد عنده حساسية من تطعيم الانفلونزا او احد مكوناته عموما
3. اى حد عنده حساسية من بعض المركبات زى
( Formaldehyde, methyltriphenylphosphonium bromide, polysorbate 80)
** بالنسبة للاعراض الجانبية :
1. فى بعض الحالات وجع بسيط وإحمرار أو تورم مكان الحقنة
2. نادرا ما يسبب سخونة أو صداع وآلام بالجسم
3. وحالات نادرة جدا جدا يحدث حساسية أو طفح جلدى
و بالمناسبة مفيش اى تعارض بين تطعيم الانفلونزا الموسمى و اى تطعيمات
و خلى بالك لازم التطعيم يكون محفوظ فى الثلاجة علشان ميبوظش
يعنى تتأكدى انه ساقع قبل ما تأخذيه من اى مصدر
و علشان انهى كلامى فيه شوية ملاحظات لازم نأكد عليها :
** اللقاح يؤجل و لكنه غير ممنوع لو كان الشخص عنده عدوى او درجة حرارته عالية
** اللقاح بيتاخد حقن عميق ف عضلة الكتف ، و يجوز انه يتحقن تحت الجلد
**اللقاح دة مفيش اي اخبار او معلومات بتقول انه له علاقة بكرونا.
** اللقاح بيضمن لك الحماية من الاصابة بالسلالات اللي موجودة فيه فقط ، لكن بقيت السلالات بيبقي الدور الاكبر ع جهاز المناعة.
: ** فيه نوع تاني من تطعيم الانفلونزا اسمه Vaxigrip tetra
و الفرق بينه و بين ال Influvac Terta انه ممكن يتأخذ من اول سن 6 شهور
ليست هناك تعليقات:
إرسال تعليق