بناتنا مخطوفة مش هربانة من شواية شياطين الشر عماها
( بناتنا مخطوفة و اللعبة مكشوفة )
يا ترى دى البداية ولا أخرها
بنتنا أتخطفت زى غيرها
أهالى البنات عايشة بتموت
بجد كتر 2000 خيرها
بناتنا مش ماشية بهواها
ولا حتى الشيطان غواها
بناتنا دى مخطوفة
من أبالسة الشر عماها
كفاية متظلموش البنات
دى أعراض مش روايات
شبعنا منكم قوالة و عوادة
ده خطف مش مسلسلات
بناتنا مخطوفة مش هربانة
ليه ألسنتكم ب السم ضربانا
كذب و تضليل و أشاعات
عقولكم ليه دايما خربانة
السمعة زى عود الكبريت
كفاية بقى لطش و تخبيط
بناتنا سيرتها بتيجى بالخير
أسكتوا بقى كفاية تنطيط
كفاية بقى كلام و تشنيع
دى سمعة مش شرا و بيع
بنتنا الناس كلها عارفاها
سمعتها مش ممكن تضيع
عد معايا و أعمل جرد
الخطف زاد فوق الحد
بنتنا مخطوفة مش هربانة
أسمعها منى بقولها بجد
كل الناس عليها بتقول
بنتنا دى بنت أصول
بلاش بقى هرى و هبد
بكرة هتجنى المحصول
دى لا أول الحكايات ولا آخرها
بنات بتتخطف زى غيرها
أهالى البنات خلاص بتموت
عمالين يبكوا من غير صوت
بناتنا مخطووووووووفة
اللعبة مكشووووووووفة
اللى بيحصل فعلا خطف
الأجندة واضحة و معروفة
ليست هناك تعليقات:
إرسال تعليق