دكتور شريف حسين استشاري القلب
🔴#عشرون_نصيحة_بمناسبة_العودة_للعمل
🟡مبدأيا الكورونا لسه موجودة معانا و الوباء الفيروسي للكورونا له ثلاث سيناريوهات قياسًا على سلوك الأوبئة الفيروسية
١-👈السيناريو الأول إن الوباء يطلع وينزل لغاية ظهور اللقاح والعلاج
٢-👈السيناريو الثاني ( الأسوأ قادم) وده يبدأ في الخريف يعني كمان أسابيع زي ما خصل في وباء الانفلوانزا سنة ١٩١٨
٣-👈السيناريو الثالث ان الوباء يستمر في الإنحصار وينتهي تمام حتى قبل ظهور اللقاح
وفي الحقيقه محدش عارف احنا هنمشي في أى سيناريو وللاسف كل السيناريوهات واردة
🔴عشان كده هقولك عشرون نصيحة بمناسبة العودة للعمل :
⛔️هتنزل أو نزلت شغلك مفيش سلام ولا احضان زي زمان انت لسه في زمن الكورونا والله
⛔️وزنك زاد فلازم ترجع تنظم أكلك تاني
⛔️المشي نصف ساعة في اليوم على الأقل
⛔️الكورونا لسه موجودة والله اغسل ايديك باستمرار بالمية والصابون
⛔️لبس الكمامة مستمرة معانا فترة طويلة حتى لو صحابك مش لابسين
⛔️اكل الفواكه والخضرة فيها كل الفيتامينات
⛔️الاسبرين ملوش علاقة بالكورونا
⛔️لو جتلك أعراض كورونا خفيفة اعزل نفسك ٧-١٠ ايام
⛔️مش لازم مسحة ولا اشعة مقطعية
⛔️المقطعية اعملها لو اعراض تنفسية
⛔️نقلق بس لو الحرارة مرتفعة لمدة ايام او نسبة الاكسجين بتقل عن ٩٠٪
⛔️مرضى القلب والسكر والصدر والضغط والسمنة وامراض المناعة وكبار السن استمرو أرجوكم في الاجرائات الوقائية بحذافيرها
⛔️سلم من بعيد
⛔️بلاش بوس وأحضان ملهاش أى لازمة
⛔️لو في اجتماع لاقيت في ناس كثير وتهوية ضعيفة بلاش تروحه
⛔️تناول عسل النحل والليمون والبرتقال والسوائل الدافئة
⛔️شرب الماء كثير جدا
⛔️حاول تفكر تاني توقف عادة التدخين انت قدها وتقدر وكثير عملوها وربنا وفقهم
⛔️هنحافظ علي المسافات بينا متر ونص علي الاقل والكلام ده بيطبق علي اي مكان انت فيه خارج البيت سواء سوبر ماركت او محلات تجاريه او مصلحه حكوميه
⛔️ ونعقم ايدينا كويس بالكحول و هنستعمل مناديل للعطس والكحه وزي ما تعودنا نتخلص منهم بطريقه امنه
⛔️ولو بتتمرن لوحدك او مع أفراد قليلة جدا لازم تباعد بينكم .. وممنوع لبس الماسك اثناء التمرين الفردي نهائيا واثناء ممارسة اي رياضه بشكل عام زي الجري 🏃♂️وركوب العجل 🚴♂️
⛔️ومفيش شيشة حتى لو كان من تحت لتحت لانها 👈أكثر سبب لانتشار العدوي طبقا لمنظمة الصحة
⛔️نقلع الشوز علي الباب وندخل نغسل ايدينا كويس بالميه والصابون
⛔️وطول ما احنا برا البيت نحاول علي اد ما نقدر ايدينا متلمسش وشنا خالص ونعقم ايدينا كويس طول ما احنا برا وخلي عندك شعور دائما ان الفيروس لسه موجود وممكن يكون في ايديك ولازم تغسل ايدك على طول
🔴وأخيرا خد بالك وركز على مفتاح المناعة :
👈الأكل الصحي وشرب السوائل
👈النوم الكافي
👈وممارسه الرياضه
👈واهم حاجه الحاله النفسيه الجيده
👈وحسن الظن بالله ويقينا بان الله لن يضيعنا
وتذكر دائما
#كلكم-راعٍ_وكلكم_مسئولٌ_عن_رَعيّته
ليست هناك تعليقات:
إرسال تعليق