قدس ابونا بقطر نسيم راعي كنيسه الشهيد مار جرجس بالقاره دخل العناية هو واسرته نصلى من اجلهم ربنا يشفيهم من الكورونا🙏🏻🤲هو شعلة ملتهبه بالروح القدس في الخدمة وقت ما الشعب كان حزين علي قفل الكنيسة هو فضل يسبح وفضل علي مواقع التواصل الاجتماعي يقدم للشعب تسبحه ومحاضرات وترانيم هو واسرتة الجميله وفضل يخدم الشعب بكل امانه نصلي من اجل قدسك ابونا الحبيب اللي تشبهت بالراعي الصالح ربنا يشفي قدسك انت واسرتك🙏🏻🍃
👈كتبت تاسونى نرمين زوجة قدس ابونا بقطر :
👈كورونا 😔🤧🤕😷
كنت مش بخاف منها ولما كانوا يقولولى البسى الكمامه البسها علشان دا لازم اللى يتعمل مش خوف منها ابدا ولكن لما اخدنا تعبها ولازلنا فى الالم موضوع صعب جدا جدا جدا الم غير محتمل والمسكنات ساعه وتفك ويرجع الالم فى كل الجسم
طيب امتى يزول الالم محدش عارف كل اللى معاك فى العيله عيانين طيب مين يخدم مين
موضوع صعب جدا جدا جدا فى الالم والاكتر الخوف الموجود على الناس اللى بتحبها لا تفقدها فى يوم وليله
البسوا الكمامه وخافوا 😷😷……خافوا أوووى أوووووى على نفسكم وعلى الناس اللى بتحبوها كل يوم الصبح بتصحى خايف لا تكون فى اعراض جديده 🙏🏻صلولنا كتيررر نعدى التجربه دى ويخلص الكابوس لانها كابوس صدقوني الموضوع مش هزار خالص الموضوع بجد والم صعب ربنا يخلصنا من الوباء دا صلوا كتيرررر كتيررررر علشان ربنا يرحمنا وتعدى كلنا من التجربه
ليست هناك تعليقات:
إرسال تعليق