تعليمات هامه للمتزوجين..؟ وربنا يستر بقى ..

- ما تدخلش المطبخ وهى واقفة بتعمل أى حاجه فيه .. لان ده بيكون زى وقت اكتمال القمر عند المستذئبين كده .. ممكن تهبرك فى ثانية.
••
٢- حاول تقلل من طلباتك للقهوه و الشاى لان ده معناه كوبايات كتير وهتقوم تقف على الحوض كذا مره .. والدراسات الحديثة بتقول ان طول عمرك بيتناسب عكسيا مع عدد مرات وقوف مراتك على الحوض
قلل وقفتها.. تعيش اكتر... معروفة
••
٣- فى الشتا ما تحاولش تتريق على الستريتش اللى تحت البنطلون اللى لابساه فوق البنطلون التالت اللى تحت البيجامة اللى فوق البروڤر اللى تحت الروب اللى تحت الشال اللى حاضن الدفاية ... عشان تضمن تعيش فى أمان و ما تتحولش الى قطع بوفتيك على السفره
••
٤- الجزمة ... لا مش قصدى على صاحبك اللى نصحك تتجوز قصدى اللى لابسها فى رجلك.. تقلعها اول ما تدخل من باب العمارة .. مش باب الشقه .. لانك لو وسخت الارض اللى لسة ممسوحة بطين المطر اللي فى جزمتك من الشارع اعتبر نفسك من المختفين قسريا لحد ما يطلع لك أصحاب
••
٥- ريموت التليفزيون سيبهولها خالص ما تفكرش تيجى جنبه.. تفكر تتهور وتاخده وتجيب ماتش كورة مثلا .. مش هتلاقى لعيب واحد يحضر جنازتك.. كلهم فى المنتخب.
••
٦- تانى فى الشتا حاول تبقى منتبه وانت نايم بالليل... هتسألنى ازاى بقى؟ هقولك ما أعرفش .. مش شغلتى ... المهم تبقى واعى انك ما تشدش اى بطانية من الستة اللى هى مستغطية بيهم او توقع اى لحاف من اللى بين البطاطين.. لان ده معناه تغيير فى درجة حرارة الكائن الحى وممكن يحصل خروج من حالة الثبات وتبقى مجزرة عالسرير
7- اوع تفكر فى لحظه انك تحاول تعيش لحظات رومانسيه والحاجات ده ...انسى ...ياريت تعمل روحك بطل من ابطال فلم النوم فى العسل ...لانك هتسمع كلام يقطع الخلف منك ويضيع رجولتك ...خليك متنيل ساكت وخلاص .متقولش اليله ياعمدة...فاهمنى طبعا ؟؟ عديها زى اختك ؟؟
دكتور / رضا طلعت