نادى حنا يكتب:
الجزء الثالث
ذهب ميشيل الى اصدقائه بالسكن وهو فى حالة فرح شديد وكانه يسبح ببحر من السعادة فقد وجد حبيبته التى فكر فيها كثيرا تبحث عنه
اعتقد انه يعيش حلم هو الاجمل انه حلم اليقظة
اعتقد اصدقاؤه بانه ينام وعيناه مفتوحتان فارادوا ايقاظه ربما يكون شيء ما فى الهواء فيؤثر على عيناه
ميشيل . ميشيل
استفاق ميشيل
نعم
اصحى ولما تنام ابقى اغلق عينيك
شكرا .بس انا مش نايم بل افكر بشيء ما
ماشى احنا حبينا نقولك بس
شكرا
تذكر ميشيل بانه لم يقوم بترتيب فراشه وان حقيبته لاذالت كما هى منذ الصباح
نهض ليرتب سريره لانه قد غلبه النوم . فهو لم ينم طيلة الليلة الماضية
واخيرا استراح ميشيل وراح فى نوم عميق مع ابتسامة تخرج منه من وقت لاخر اثناء نومه ولا يعلم اصدقاؤه كيف يحدث ذلك فقرروا ان يتركوه وشانه
دهبت فينوس الى اصدقاؤها بالسكن الجامعى وهى بحالة من الفرح الشديد وهى تغنى
هاقابله بكره . وبعد بكره
هاقابله هاقابله .هاقابله بكره . وبعد بكره
سالها اصحابها
هو مين اللى هتقابليه ؟ انتى لحقتى ؟
انتى مش بتضيعى وقت خالص
قابلته اعمل ايه ؟
طيب وريهولنا واحنا نحكم
تعالوا اوريهولكم
فين يابنتى الساعة التاسعة مساء
فى الشباك
اعتقدن بانه يقف امام الشباك
ولكن وجدوها تنظر الى السماء
اهو شايفينه ؟
لاحول ولا قوة الا بالله
ايه يابنتى هو ميت ومع الملائكة ولا ايه ؟
بصوا حلوا ؟ ايه اللى فى السماء ده ؟
مفيش غير القمر . اهو هو ده
ضحك الجميع ولم تنتبه هى لضحكاتهم
فى اليوم الثالث تقابل ميشيل وفينوس والرابع والخامس ويتجاذبون اطراف اعذب الاحاديث
ويحدثون بصوت خافت احيانا وهمسات العيون احيانا اخرى وكذلك بصوت مسموع فى قليل من الاحيان
انتهى اول اسبوع دراسى بعد ان تقابلا كل يوم
وكان على كل منهم الرجوع الى منزله ليحضروا الاموال اللازمة لشراء المذكرات ومصاريف الاعاشة او المصاريف الشخصية ويسلموا على ذويهم
ذهب ميشيل الى قريته احتضن والده وكذلك اخوته فى مشهد مملوء بالفرح
الدكتور وصل نورت البيت يابنى
ده منور بيك يا ابى وباخواتى
اختك عايده جالها عريس يامشيل
بجد ؟
ايوه
مين اللى امه قاعده بتدعيله ليل ونهار ده ؟
عادل ابن عمك محروص
يابن الايه ياعادل صحيح امه بتدعيله
بس يستاهلوا بعض
عايده حاصلة على بكالوريوس التجارة قسم ادارة اعمال
عادل بكالوريوس علوم قسم ميكروبيولوجى
ربنا يتمم بخير المهم انتهى يوم الجمعة
اخر النهار على ميشيل الذهاب الى السكن لينام الليل ويذهب لمحاضراته فى الصباح يوم السبت
يريد ان يطلب المال من ابيه
ابى .
نعم .
انا ماشى علشان الحق القطار
عايز كام ياميشيل
اخذ ميشيل يحسب المطلوب بدون زيادة او نقص
اخذ المال وانطلق فى طريقه يعد الثوانى والدقائق والساعات
ذهب ميشيل الى الجامعة فى اليوم التالى وتقابل ايضا مع فينوس كل يوم بحسب ما تسمح به وروف المحاضرات والمذاكرة
استمرت اللقاءات بينهما حتى انتهى الفصل الدراسى الاول
كل منهما ذهب الى بيته ولكن كان التليفون الارضى هو الوسيلة الوحيده المتاحة للتواصل بينهما
اراد ميشيل ان يطمئن على فينوس ولكن بدا يفكر فى ان يصارحها بحبه الشديد لها الذى وصل الى درجة الجنون فهو مجنون بها
يحب السمها
بتغنى بحروفها
يستعيد كلماتها بصوتها الملائكى
ولكن اراد ان يسالها اولا عن عائلتها ويخبرها عن عائلته
وكانت اخته عايده قارب عرسها ففكر فى دعوتها للحضور لتتعرف على اهله عن قرب
ذهب ميشيل عقب انتهاء اجازة نصف العام الى الجامعة
وفى اليوم الاول للدراسة بالنصف الثانى من العام
ذهب هو الى مبنى كلية الاداب ليبحث عن فينوس
وذهبت هى لتبحث عنه فى المكان المتفق عليه عل سور النافورة
كل منهما لم يجد الاخر
الحزن اسدل افكاره على مخيلتاهما
وعندما يئس كل منهم قرر كل منهم العودة الى كليته
كل منهم غائب عن الوعى يسير بلا احساس يتنفس بلا حياة
اصتدم طالب مع فتاه بالطريق رفع كل منهما نظره فاذ بالحبيب
سلم كل منهما على الاخر بحرارة لقاء العاشقين
طلب منها الجلوس بمكان هادئ وافقت على الفور وكانها هى الاخرى لديها ما تريد ان تسال عنه
انتى بنت مجدى بيه المعروف ؟
ايوه ده يبقى بابا
نزل كلامها على ميشيل مثل الصاعقة
جلس يفكر .ده ممكن يكون عارف كل مرة تقابلنا بالجامعة
ده ممكن يكون عارف كل همسه
عرفت فينوس بماذا يفكر ميشيل
ميشيل
لم يستطيع الرد
نظرت الى عينيه وجدت قطرات الدموع تتساقط من عينيه
ياااه ايه يابنى ده ؟
فينوس صدقينى لم اكن اعلم انك ابنة الرجل العظيم ده
صدقينى انا انسان بسيط . واهلى كلهم مستواهم متوسط الحال
وليس بعائلتى اى شخص فى مركز كبير مثل والدك
انت بتفكر ازاى ياميشيل ؟
انا والدى بيحبنى كتير اوووى
متقلقش
سقطت الارض اسفل اقدام ميشيل
انا لو فكرت اقابل والدها لابد ان اقدم طلبا مدموغا
وانتظر اسابيع حتى ياتى دورى بالمقابلة
ده لو وافق يقابلنى من الاساس
طيب ازاى اقوله انى باحب بنتك وعاوز اطلب يدها ؟
ده ابويه لو باع البيت والزرعة واستدان مش ممكن يقدر على طلبه من اجل ابنته اذا وافق من اساسه
بذكاء فينوس فهمت كل مايدور بخاطر ميشيل
بص ياميشيل انا عارفة بتفكر فى ايه
بس خلى كل شيء لوقته بلاش نسبق الاحداث
مفيش حد يعرف المستقبل فيه ايه ؟
فينوس نعم ياميشيل
عندى اختى عايده سوف تتزوج يو م 21 / مارس
الشهر القادم يوم عيد الام
لو تقدرى تحبى تحضرى هيكون يوم جميل وسعيد وهتكتمل فرحتنا كلنا بوجودك وسطينا
اكيد هاحاول ياميشيل
يارب تقدرى تحضرى
اكيد هاحاول بكل قوة لان دى هتكون المرة الاولى اللى احضر فيها فرح بقرية
لم يتمكن ميشيل من البوح بما يدور بعقله وما يسيطر على مشاعره
بادرة فينوس
ميشيل ؟
انت طلبت نقعد بمكان هادئ علشان اشوفك بتبكى ازاى ولا ايه ؟
لا ابدا انا بس المفاجئة عقدت لسانى
قول اللى عاوز تقوله ونتناقش ربما نصل الى شعاع امل
فينوس . انا هاكلمك بصراحة
قول متخافش
فينوس .
منذ اللحظة الاولى التى رايتك فيها وانا احس بان قلبى وعقلى وروحى ومشاعرى اصطبغت بخيالك
واصبحتى انتى بسمتى وفرحى وسعادتى و اصبحى اميرة متوجة على كل مشاعرى
ولم اكن اعلم عن والدك شيء
نظرت فينس الى ميشيل نظرة لخصت كل شيء
اختصرت كل العشق الموجود بالكون لتعلن عنه عيناها فى صمت
ميشيل .
نعم
اتعلم انك دنيتى التى تمنيت ان اعيشها
املى الذى وجدته متجسدا امامى فى يوم من اجمل الايام
منذ ان كنت طفلة وكنت احلم بفارسا لاحلامى
تجسدت كل تكل الاحلام فى الفارس الذى امامى
امتلا قلب ميشيل بالسعادة الممزوجة بالامل والخوف من المستقل
لعل ما تبوح به فينوس يزيل بعضا من مخاوف ميشيل
او لعل ميشيل يهدا قليلا
هذا ماسنتعرف عليه فى الجزء الثالث من رواية عشق بلا شطان
فالى لقاء قريب فى الجزء الرابع
ليست هناك تعليقات:
إرسال تعليق