كورونا بمصر

سؤال:
هل وزارة الصحة تقدر تعتم علي ظهور حالات #كورونا_في_مصر؟ و لحد أمتي ؟
البوست دا هايكون في كلام #هام_جدا .. محتاج شوية تركيز. لكن خلونا الاول نتفق علي:
#اولا : المرض غامض. صعب التشخيص. و يحتاج تقريبا 14 يوم فترة حضانة ما بين الإصابة و ظهور الأعراض.
الأعراض دي برضه ممكن تكون #بسيطة زي شوية كحة أو سخونية .. و ممكن #حادة زي التهاب رئوي.

#ثانيا : هناك فرق بين #وصول_المرض للدولة و #تواجد_المرض بالدولة  و #انتشار_المرض فيها. و الفرق دا مهم جداً جداً جداً. و دا هانشرحه ببساطة دلوقتي. علشان نفهم احنا فين .

بس خلاص .. اتفقنا ؟ نخش في الجد .

1- هل المرض وصل مصر ؟ قولا واحدا #ايوه .
- 20 يناير: وصلت سيدة صينية و مساعدها من الصين حاملين للمرض. و لحسن الحظ أنهم كانوا علي قدر كبير من الوعي و عزلوا أنفسهم لحد ما رجعوا الصين تاني ليلة 3 فبراير ( اقفش التاريخ دا ).
- يوم 7 فبراير. الصين قالت إن في حالة راجعة من مصر. علي الطيران الروسي. ترانزيت موسكو.
( الكلام موثق بالوثائق الصينية المرفقة )

2- هل حدثت عدوي في مصر ؟ قولا واحدا .. #برضه_ايوه.
14 فبراير: أعلنت #وزارة_الصحة_المصرية عن اول حالة كورونا بمصر.
علشان تعرف المرض اصابه ازاي .. الاول انتم عارفين مين دا؟
دا موظف كان شغال مع الست و مساعدها اللي سافروا من مصر يوم 3 فبراير ( الحالتين اللي فوق ⁦☝️⁩لما قولتلك اقفش التاريخ دا ).
الشخص دا مقيم بمصر. و ماراحش الصين. و العدوي انتقلت له منهم قبل سفرهم ( 14 فبراير تاريخ ظهور الأعراض - 14 يوم فترة حضانة = 1 فبراير ). يعني العدوي حصلت اول الشهر أثناء تواجد الست و مساعدها بمصر.
واضحة اهي .. و سهلة.
يبقي كدا بالحالة دي .. احنا وصلنا مرحلة #ظهور_المرض_في_مصر.

#نخش_عالتقيل الاكشن جه اهو .
طيب لو في أكثر من حالة مصابة نعرف ازاي ؟
ببساطة حط 14 يوم
وزارة الصحة قالت 14 فبراير في ظهرت أول حالة + 14 يوم فترة حضانة = 28 فبراير.
#اوبااااااا .. دا امبارح.
28 فبراير :
#فرنسا: قالت حالتين .. و بعدين رجعت قالت 6 حالات راجعين من مصر مصابين. كأن #العداد_شغال
- #كندا: قالت في حالة راجعة من مصر مصابة .
- #الكويت: راحت منظمة الصحة العالمية تشتكينا و تقول #مايصحش_كدا
( سيب القوس مفتوح )
و بكدا احنا انتقلنا من مرحلة ظهور المرض إلي مرحلة #وجود_المرض_بمصر. و اكثر من دولة أكدت دا.

3- طيب ياعم .. دي كلها حالات و سافرت. و ممكن تكون جاية مريضة اصلا.. انا يهمني اعرف هل #كورونا_انتشر_في_مصر ؟ و ممكن أصاب بيه ؟ و لو العدوي حصلت في مصر.. اعرف ازاي ؟
دي #سهلة
الرابط بين كل الحالات اللي سافرت أنها كانت في رحلة لمصر.. سياحة يعني.
يبقي ركز علي موظفي #الفنادق و #المستشفيات في #منطقة_الهرم مثلا.. علشان دي هاتكون اول منطقة محتمل ظهور و انتشار حالات فيها.
لو لا قدر الله .. ظهرت أي حالات هناك .. يبقي كدا عرفت اننا انتقلنا من مرحلة وجود المرض .. الي لا قدر الله #انتشار_المرض_بمصر.

4- هل اي دولة تقدر تعتم علي انتشار حالات #فيروس_كورونا؟
الحقيقة ممكن يحصل تعتيم في مرحلة الظهور و الوجود .. انما #مرحلة_الانتشار صعب جدا يحصل تعتيم .. لأن الحالات هاتكون اكتر من إمكانيات الدولة .

5- علشان نحسم في انتشار ولا لا .. نعمل ايه ؟
ما انا قولتلك .. حط 14 يوم .
28 فبراير وقت اعلان عودة إصابات من مصر + 14 يوم = 13 مارس .
لو فعلا في كورونا في مصر. نبدأ نراقب من دلوقتي ظهور حالات بسيطة في المناطق اللي بتتعامل مع سياح.. لو لا قدر الله ظهرت حالات .. يبقي علي نص مارس ممكن تحصل طفرة اعداد مصابين في مصر. و محدش يقدر يعتم أو يخفي الحقائق.
لو مفيش حالات ظهرت من دلوقتي لنص مارس .. يبقي فعلا الموقف #تحت_السيطرة و المرض #غير_منتشر في مصر

من دلوقتي لحد 13 مارس .. دي اهم مرحلة و وقت للوقاية
#هاتها_جمايل_يارب
#احنا_غلابة
منقول