بتكون مؤثرة جداً عند كل الناس بالطبع وخصوصاً لو حد مقرب جداً سواء من
الأصدقاء او الأحباء.. او حد من العيلة مثلاً
الصدمة بتدخلنا حالة من الحزن والألم وأحياناً عدم القدرة علي الرد.
وده لاني مش مصدق اللي سمعته او شفته بنفسي
خلينا نقسم الموضوع
اول حاجة لو سمعت عن غير الشخص
ساعتها لازم اكلم هذا الشخص واتاكد منه.، ولكن ينصح بلاش نتصل لو انا مثلاً وصلت لدرجة توتر وعصبية. فالأفضل استني واهدا علشان أتصل بالشخص واتاكد منه
واكون نفسيا جاهز اني اسمع نفي او تكذيب الكلام او الموقف
تاني حاجة تحليل الموقف بالكامل أثناء هذه المقولة او الفعل
وللأسف محدش بياخد باله من النقطة دي خالص.. لأن ممكن الكلمة او الموقف كان رد على إهانة او يبعد شبهة مثلا عنك.. يعني يدافع عنك في شكل هجوم.
تالت حاجة تكرار الشخص للكلام والإهانة او التقليل منك
لو الشخص ده اتعود قبل كدا إنه يقول او يعمل حاجة زي كدا او مشابهة ليها
يبقي ليه التعجب
بس ده ميمنعش برضه نتصل بيه ونتاكد برضه
وأخيراً
المواقف وتكرارها بتبين دواخل الإنسان وتحديثاته.. بمعني
الزمن وخبراته وموثراته كفيلة بعمل تحديث لمشاعر ودواخل كل إنسان حتي إنت
فالمواقف بتبين اخر تحديث كان ليك ولا عليك
ممكن العيب يكون منك
يعني انت هاجمته بدون قصد وموضحتلوش. فهو اتصدم وده كان رده
هتقول ده اقرب حد ليا المفروض عارفني وفاهمني
يا حبيبي ولا يا حبيبتي تعرفوا منين الموقف او الكلام وصله إزاي
وكمان هو مش ربنا استغفر الله علشان يعرف دواخل الإنسان
وممكن يكون العيب في التحديث
إنه مشاعره قلت او اتوجهت لشخص او حاجة تانية.، او اتغيرت لوحدها من غير ميكون فيه حد تاني بعني عادي
لكن
خلينا دايما واثقين إن الضربة اللي مبتموتش بتقوي الشخص
وإن لولا الموقف والكلام ده كان ممكن تستمر في إعطاء هذا الشخص الكثير من داخلك واللي الله اعلم كان هيستقبله او هيتعامل بيه ازاي
وممكن ده حصل علشان قريب شخص تاني هيكون أفضل هيظهر في حياتك
ووجود هذا الشخص مش هيخليك تاخد بالك منه
فاحزن ولكن تخطي الحزن سريعاً وعيش حياتك
مسلما إياها لمن لا يتغير او يسئ إليك
ويرتبهالك ويعوضك اما يتواجد مثل هؤلاء
ليست هناك تعليقات:
إرسال تعليق