افتتاح كنيسة مارجس بحلوان بعد تعرضها للحريق

 كلنا يتذكر حادث الحريق الذي تعرضت اليه كنيسة مارجرجس شرق بحلوان والتي يخدم بها ابونا سمعان و ابونا اندراوس وذلك يوم الاحد ١٣ اكتوبر ٢٠١٩ م و هي كنيسة صغيرة أنشأتها الجالية الألمانية في نهاية الطرف الشمالي الشرقي من مدينة حلوان، ويعود تاريخ بنائها إلى سنة 1898 م. واستمرت الخدمة بها حتى قيام الحرب العالمية الأولى (1914-1918 م.). وبعد انتهاء الحرب وهزيمة ألمانيا توقفت الخدمة في الكنيسة، وظلت مغلقة ومهملة لعقود. وفي عام 1971 م. تمكن مثلث الرحمات المتنيح الأنبا بولس أسقف إيبارشية حلوان والمعصرة السابق من شرائها من المسئولين الألمان مع الأرض الفضاء بجانبها بمبلغ ثلاثة آلاف جنيه. وقد جَدَّد مبانيها على قدر الإمكان، وكرَّسها كنيسة باسم الشهيد العظيم مارجرجس(1).

في يوم 13 أكتوبر 2019 م. تعرضت الكنيسة لحريق كبير، تسبَّب في أضرار جسيمة بالمبنى، دون وقوع أي إصابات بشرية.  وتمكنت قوات الدفاع المدني من السيطرة على الحريق بعد ان اتت النيران علي كل شيء بالكنيسه..اليوم تم اعادة البناء كما في الصور .. انها شفاعة امير الشهداء مارجرجس الذي يستحق ان تكون هذه الكاتدرائية علي اسمه .. مبروك لشعب حلوان .. حقا كله للخير كما كان يعلمنا مثلث الرحمات قداسة البابا شنوده الثالث ،،،

اختفاء السيدة القبطية حنان اسحاق

ناشد الزوج الاستاذ مينا علي صفحة التواصل فيس بوك السيد الرئيس عبد الفتاح السيسى والنائب العام وكل المسئولين بعد اختفاء زوجته السيدة القبطية حنان اسحاق ونيس غبريال قائلا انها تم اختفائها عن طريق شخص يدعى احمد الشيخ و اخواته تامر ومحمد


واضاف انهم ساكنين بشبرا الخيمة عزبة العرب شارع ٦ ويعمل بمهنة الحلاقة و له عنوان اخر فى بلقس وله عنوان اخر فى كوم اشفين و للعلم هو هربان من تادية الخدمة العسكرية وقاموا بفعل ذلك بمساعده شخص يدعى احمد الصنافينى و شخص يدعى عمر مالكى و شخص يدعى احمد عبدالله.

واختتم قائلا:علشان خاطر ربنا يسوع المسيح فعلو الهشتاج مراتى بتروح منى و احنا مش عرفين هى فين انا عمرى ما شفت حد مخطوف و سكت انا واولادى بنموت بسبب اختفائها علشان خاطر ربنا لازم صوتنا يوصل للعالم كله اعتبرها اختك و انقذ عائله من الخراب و الدمار.

تعليق الصلوات بجميع كنائس المطرانية بنجع حمادي

 

اقتصار الصلاة علي الأباء الكهنة وعدد قليل من الشمامسة

تعليق الصلوات علي جميع الكنائس الإبروشية ودير الآنبا بضابا

قاتل مريم وابنها صديق العيلة

المتهم كان صديق العيلة من حوالى ثلاثة سنوات..

المتهم كان شغال على توكتوك زوج المجنى عليها..

المتهم كان بيوصلها كل المشاوير الخاصة بيها..

المتهم كان صديق مقرب لأبن اخو زوج المجنى عليها ، لدرجة أنه بات عنده ليلة فى البيت وهو بيحضر فرح تابع لأهل الضحية واتاخر ومهنش عليه يسيبه يروح لوحده بالليل وبيته عنده..

المتهم ترك توكتوك زوج المجني عليها مريم وده اكيد بسبب خلافات ح..خلافات مع زوجها الله وحده اعلم باسبابها لكن هى وابنها ملهمش اى ذنب علشان يحصل فيهم كده..

يوم الحادث مكنتش راكبة معاه التوكتوك واليوم ده بالذات اخد معاه ساطور فى التوكتوك الخاص بيه ومشى وراها..

ولما نزلت من التوكتوك راح اتكلم معاها وحصل حوار بينهم وشجار انتهى بالقتل..

المتهم كان مرتب كل حاجة .

المتهم خان العيش والملح والصداقة ومصنش العشرة..

يوم الحادث نفذ المجرم جريمته مع سبق الاصرار والترصد..

#المتهم قتل ثلاثة أرواح مريم وابنها كاراس و بنتها كمان قتلها معنويآ قتلها بالحيا

المتهم مش معنى أنه قتل بغرض السرقة زى ما قال فى التحقيقات يخففوا الحكم عنه _ لا _

المتهم كمان مش مختل عقليا ده كان مرتب كل حاجة وقتل وهرب .. .

مطلوب اعدام المتهم فهذا أصبح مطلب شعبى من كل الناس النزيهة الشريفة...

- من كل الناس اللى بتحب البلد وخايفة عليها..

- من كل الناس اللى نفسها تفتخر ببلدها وعظمتها وكرامتها اللى هى من كرامة اولادها بغض النظر عن ديانتهم ..

- نريد حكم عادل فى هذه القضية والقضية دى بالذات علشان تختلف اختلاف كلى عن اى قضايا قتل تانية..

الحكم العادل هو الإعدام ولا بديل مهما كانت دوافع القتل..

المتهم لازم يكون عبرة علشان ميتكررش السيناريو ده تانى..

- حكم عادل يرضى أهل الضحية ويرضى الجميع وهو #الاعدام

حتى لا يسود قانون " العين بالعين والسن بالسن والبادئ اظلم "

وتتحول البلد لغابة فيها لكل منهم قانونه الخاص..

#حق_سيدة_بنى_مزار_وطفلها_مطلب_شعبي

#القصاص

#إعدام_قاتل_سيدة_بنى_مزار_وطفلها

#إعدام_قاتل_مريم_وإبنها_كاراس

#اعدام_سفاح_بنى_مزار_مطلب_شعبى

نياحة الام دميانة

وانتشر علي موقع التواصل الإجتماعي فيسبوك :دي أمنا دميانه أتنيحت اليوم شوفتي أيه يا امنا خلاكي تضحكي كده انها حقاً صوره غيرت نظرتي للحياه.

ونعاها احد اقاربها قائلا: رحلت عنّا وسافرت الى السماء أجمل ملاك فى عيلتنا وأكبر بركة فى أسرتنا الغالية / أمنا دميانة بصلواتك كنتى دايما شايلانا كنتى شمعة مُضيئة فى حياتنا عزائى الأول إنك كنتى عايشة طول عمرك مع المسيح وعزائي الثانى إنك ارتحتي من آلامك الشديدة التى احتملتيها سنين عديدة ولكنك تركتى لنا الالام الفراق والحزن المُميت.

غدر القريب أقوى من ضربة غريب

ايليا غبريال فرنسيس يكتب:

العدو بتكون طعنته متوقعة.، فممكن نتحاشاها

بل كتيييييييير بيكون أعدائنا شرفاء ومن غير طعنات

الطعنة اللي بجد أما تيجي من اقرب الناس إليك

اما القريب عشرة العمر منك هو اللي يعريك ويفضحك قدام الجميع

اما يضحك في وشك ويحسسك إنه مبسوط وانت جمبه

اما يحسسك إنه صعب يبعد عنك ويعيش من غيرك وبدونك

وتكتشف إنك كنت مخدوع

تكتشف كدبه وغشه ومعيشك في الوهم

تكتشف إنه ميستاهلش العيش والملح

تكتشف انه ميستاهلش قلقك وخوفك وتضحيتك علشانه

ولو كلمته.. يرد بكل بجاحة وقلة أصل.. إنه محسكش في يوم

إن انت السبب في ده

مشافش كل اللي عملته علشانه لأنه شايف إن ده حق مكتسب

والابجح انه شايف إن كل عطائك وتضحياتك دي اقل كتيييييييير من المفروض

.. ده لو إعترف بيها أصلا

الطعنة اما تيجي من الغريب او العدو بتكون عادية لأنك متوقعها

لكن اما تيجي من أقرب الناس ليك مش مجرد بتوجع.. لكن بتدبح

الفترة دي مش هتعرف تسمع كلام او تشوف حاجة او حتي تعمل حاجة لأنك هتكون مذهول ومصدوم ومفيش اي رد فعل نهائي

اللي تقدر تعمله وانصحك بيه انك تحاول تشغل وقتك علي قد متقدر

تحاشي هذا الشخص قدر الإمكان والكلام معاه

لأن اللي كدا مش هينفع معاه كلمة عتاب ولا غيره ولا هيحس بوجعك أساساً

اشغل وقتك.. تحاشاه تماماً.. متسبش نفسك للحزن وشوف حاجات تضحكك

قابل ناس جديدة.. متقعدش مع نفسك كتيير.. انفتح واخرج علي قد متقدر

مارس رياضة او اعمال بدنية.. امشي واشغل فكرك وبدنك ووقتك في حاجات مفيدة

مع تمنياتي بالنسيان وانك تلاقي حد أصيل بدل قليل الأصل والخاين

مع تمنياتي بروح وفكر مرح ومتجدد وايجابي

تعليقان

تعرف على المحافظات الأكثر إصابة بفيروس كورونا في مصر

 كشفت الدكتورة هالة زايد، وزيرة الصحة والسكان، خلال مؤتمر صحفي اليوم ،و عن المحافظات الأكثر إصابة بفيروس كورونا، موضحة أن محافظات الصعيد ، هي الأكثر إصابة بالفيروس حتى الآن.

 واشارت الى الارتفاع الملحوظ في أعداد الاصابات بفيروس كورونا خلال آخر 6 أسابيع

وأعلنت وزيرة الصحة: أن 7محافظات الأعلى في نسب الإصابة بالفيروس خلال الموجة الثانية

واشارت الى ترتيب المحافظات حسب عدد الإصابات كالتالي:

- محافظة كفر الشيخ 34% ، سابقا كانت الإصابات بكفر الشيخ 2.8%،

- سوهاج 25%، سابقا كانت الإصابات 2.2%، 

-بورسعيد22%، سابقا كانت الإصابات ببورسعيد 1.6%،

- وبني سويف 20 %" سابقا كانت الإصابات 1.7%".

- الشرقية 14% سابقا كانت الإصابات 1.9%

- قنا أكثر من 30%،سابقا كانت الإصابات 1.5%،

و قالت الدكتورة هالة زايد، وزيرة الصحة والسكان، إن عادات الأسر مع دخول شهر رمضان المبارك أو عيد القيامة المجيد مرتبطة بمزيد من الطعام والعزومات، وهذه أشياء إيجابية ولكن يجب مراعاة التباعد الاجتماعي، كما يجب التأكد من صحة الأغذية لتقوية المناعة، خاصة أن الجسم يمتنع عن المياه لفترة طويلة.

حرب جديدة في إثيوبيا

 

مقتل 100 شخص في اشتباكات بين إقليمين

أفادت وكالة رويترز أن اشتباكات حدودية اندلعت بين منطقتي عفار والصومال في إثيوبيا ، أسفرت عن مقتل ما لا يقل عن 100 شخص ، في صراع جديد بالبلاد قبل الانتخابات البرلمانية في يونيو المقبل.

وقال أحمد حميد نائب مفوض شرطة منطقة عفار لرويترز عبر الهاتف إن نحو 100 مدني قتلوا منذ اندلاع الاشتباكات يوم الجمعة واستمرت حتى يوم الثلاثاء وألقى باللوم في العنف على هجوم شنته القوات الإقليمية الصومالية.

مناهج امتحان شهر أبريل لجميع الصفوف من الصف الرابع الابتدائي وحتى الصف الثاني الإعدادي

 الصف الرابع

الوحدة الأولي             محفوظات             (اني رأيت نملة

تابع الوحدة الثانى:      قراءة                    (امنية هناء)

                        محفوظات                 (نور القمر

                        قراءة                     ( هناء على سطح القمر

 

ازاي نثق في دول ؟

صفوت يوسف يكتب :

هو ازاي ممكن تثق في نوع من الناس بيغير مواقفه في كل دقيقه ويقول كلام وعكسه ويمدح في ناس ويذم فيهم ويتعاملوا مع ناس كانوا بيشتموا فيهم وينضموا لناس يمدحوا فيهم وينقلبوا علي ناس كانوا معاهم وحياتهم اما نميمه او ضرب تحت الحزام

.. ازاي ممكن تثق في ناس شغالين علي كل لون واللي معاهم النهارده بكرة ضدهم واللي كانوا ضدهم اصبحوا معاهم وفي وقت المصالح احنا زي الفل والكلام يكون شهد ووقت الخصام تنهمر اللعنات وتتسن السيوف

هو ازاي في ناس كده بتتلون بالف وش وهما الماده الخام للنفاق والرياء وكل حاجه في حياتهم مبررة

ازاي ممكن تثق في ناس ظاهرها فعل الخير وهم غيلان وبيمثلوا التقوي والورع ولا يعرفوا حاجه عن الخير الا وقت ما يتحرجوا وسط الناس في ناس ممكن تتبرع لجهة او وزارة عشان اسمهم بس يرن ويسمع ولو جه واحد حيموت اودامهم يعملوا مفتحين عليه

ازاي ممكن تثق في ناس تدعي الفضيله وتمسك السبحه " زي كده ذكي رستم اللي كان عامل نفسه شيخ في فيلم رصيف نمره خمسه " ويطلع في النهايه تاجر مخدرات "

ازاي ممكن تثق في ناس بتتكلم عن الامانه والشرف والنزاهه وهم بيسرقوا اموال اليتامي وبيتاجروا بالمرضي وبيبيحوا لنفسهم كل حاجه وكل شغلهم اما اشتغالات او تأمرات او فخاخ او حلبسه

ازاي ممكن تثق في ناس من بره شكل ومن جواهم شكل تاني يقابلوك بالاحضان ومن وراك سكاكين واللي اتعمل معاك يتعمل مع غيرك واللي حصل مع خيرك يتلف الشريط من تاني

ازاي ممكن تثق في ناس بتدعي الوطنيه وانهم بيحبوا بلدهم وكل واحد شايف البلد هي الوزير او المحافظ او السفير او عضو في مجلس النواب والبلد بالنسبه له هو اللي قاعد علي الكرسي ويفضل يدافع عن الشخص ده او المسئول ده ويمدحه وينفخه عشان عاوز منه حته من الكعكه

ازاي اثق في كلام مسئول وهو بيعمل عكس تصريحاته زي ناس كتير .. يطلع واحد ان السنه دي حتتحل ازمة المرور ومتتحلش وحد يقولك احنا بنتجه للدوله الرقميه والناس طوابير علي ماكينات atm لصرف المعاشات في مشهد مأساوي وازاي عاوزين نسجل الثروه العقاريه وكل مكاتب الشهر العقاري منهارة وسيئه جدا واللي بيطلع بس توكيل بيدوخ سبع دوخات

ازاي نثق اننا نعمل قطار كهربائي ب 300 مليار ومش عارفين نصرف علي السكة الحديد 250 مليار

ازاي ممكن تثق في ناس ملهاش مبدأ ولا قيمة ولا فضيله ولا رحمة ولا امانه ولا صدق وزي ما بتجمعهم موائد الاكل تجمعهم كمان الخيانات والغدر

ازاي ممكن تثق في ناس طول الوقت رافعه شعارات واغاني وتجامل علي حساب الحق وشغالين تصنيفات في الناس

ازاي ممكن تثق في نصاب او حرامي ممكن يوصل فلوس وامانه لاصحابها

حاجات كتير جدا بنعملها ونعمل عكسها فازاي ممكن نثق في النوعيات دي ؟

انت تخاف من النوعيات دي لانها ملهاش امان ومتصدقش كلامهم ولا افعالهم لان الوحيد اللي ممكن يظهر في شكل ملاك هو الشيطان .

الذكرى السنوية الاولي لقديسة معاصرة (ماما اموله)

 دى حاجه فوق الخيال

قديسه معاصره اسمها ماما امال

نفذت تعاليم الرب اللى عنها قال

سيب الدنيا ياابنى واترك كل المال

عملت زى الانبا انطونيوس

باعت كل ما ف الامكان

حتى معاش ابوها الكويس

توزعه للفقرا كمان

اصل الحكايه من اولها

غريبه جداا ياناس

عيله معروفه باصولها

والعلم عندهم اساس

يعنى اللى بنتكلم عنها

شخص ليه احترام فوق الراس

++++

اتعلمت من جدتها الحب

واتعلقت ازاى تخدم تمام

ومشيت على نفس الدرب

بتاع قديسنا انبا ابرام

اصل هدفها تخطى الصعب

وتمشي ف طريق خطوه لقدام

فى وسط عالم كله هم وكرب

هدفها رساله تخلص بسلام

باعت...سابت...تركت

بس اشترت.ولاقت... واتحوطت

باعت كرمتها...ونظره ازدرت

لاقت اهانه..وبرضو اتحملت

لكن..اتحوطت.ايوه اتحوطت

مارجرجس وابونا فانوس والملايكه

وقديسين كتار كانت بيهم متشاركه

كانت ترتفع عن الارض وهى بتصلى صلاتها

انا سيمون اتجسدت فى شخص ماما امال فى ذاتها

الموضوع مش موضوع مال

لكن!!!انها تستعطى باذلال

5 خمسه صاغ تلف وتديهم لام العيال

والبسمه على وشها برغم الكلام اللى بيتقال

مش مهم ومالو...المهم يفرح الغلبان ويمشي الحال

البابا شنوده بنفسه...عارف حكايتها

سمح تكون ف المكان ويكون ده بيتها

اللى تبنى بيت للغلابه..لازم تكون الكنيسه تحاوطها

طوباكى...لانك انتى فى اركانها علامتها

بيقولو عليكى ماما اموله

فعلا،ماانتى فعلا امل معمول عموله

ماما اموله...اللى سيرتها فعلا مهوله

اللى تخلى الواحد يتحير ويقول مش معقوله

زمن القديسين رجع تانى..والسر فى انك نفذتى بجد المقوله

بع كل مالك وتعالى اتبعنى..وده اللى عملته روحك البتوله

خطف واغتصاب وطعن لطفلة تبلغ من العمر 8 سنوات

في الساعات الأولى من صباح اليوم، اكتشفت أسرة الطفلة «ريماس محمد» تغيبها عن المنزل لوقت طويل، وهو أمر غير وارد لطفلة في الثامنة من عمرها، ما أثار القلق في نفوس أفراد أسرتها، الذين بدأوا في البحث عنها في شوارع مدينة دكرنس التابعة لمحافظة الدقهلية، ساعات من البحث لم يتوقع خلالها أسرة الطفلة أنهم سيجدونها جثة هامدة.

دليل يعرف مكان الطفلة

أثناء عملية البحث، وبحسب رواية أحد شهود العيان، من أهالي مدينة دكرنس ومن جيران الطفلة، أخبرتهم طفلة أخرى أنها شاهدت «ريماس» بصحبة شاب قبل أن يدخل بها أحد المنازل المجاورة، على الفور توجه الجميع إلى المنزل الذي دلتهم عليه السيدة، طرقوا الباب في لهفة، ليخرج لهم شاب من الداخل، ومن خلفه كانت صورة صادمة الجميع.

جثة الطفلة على السلم

زاوية الباب الذي فتحه الشاب أظهرت تفاصيل جريمته، فمن خلفه ظهرت الطفلة ملقاة على سلم المنزل لا تحرك ساكنًا، اندفعت أسرتها إلى الداخل، ليجدوها غارقة في دمائها، وقد امتلأ جسدها بطعنات وضربات لا تتحملها طفلة في الثامنة من عمرها، فحملوها مسرعين إلى أقرب مستشفى أملا في إسعافها إن كانت على قيد الحياة، بحسب قول شاهد العيان.

فقدت الطفلة حياتها

داخل مستشفى دكرنس العام كانت أسرة الطفلة «ريماس» في لهفة إلى سماع التشخيص الطبي لطفلتهم، إلا أن الصدمة اكتملت به، بعدما أخبرهم الأطباء أن الطفلة فارقت الحياة متأثرة بإصاباتها.

وبحسب قول الدكتور أحمد حافظ، مدير مستشفى دكرنس العام، فإن الطفلة وصلت المستشفى جثة هامدة ولا يوجد بها أي علامات حياة، مع وجود طعنات في الظهر والبطن، وكدمات متفرقة في الوجه واشتباه في نزيف داخلي، وقد تم إيداعها في ثلاجة المستشفى تحت تصرف النيابة، مشيرًا إلى عدم إمكانية الجزم بوجود هتك عرض من عدمه، وهو الأمر الذي سيحدده الطب الشرعي.

أهالي دكرنس يطلبون القصاص

حالة من التجمهر قام بها أهالي دكرنس بعد اكتشاف الواقعة، بحسب شاهد عيان من جيران القتيلة، بأن حق الطفلة «ريماس» لا يبحث عنه أفراد أسرتها فقط، وإنما يبحث عنه جميع أبناء مدينة دكرنس، موضحة أن المتهم الآن في قبضة رجال الأمن، وأنهم في انتظار تحقيق قصاص عادل.

 

قد يُصيب وقد يخطئ

ماجد سوس يكتب:

لكل عصر إيجابيات وسلبياته ولكل مخلوق امرأة أخطائه وإنجازاته فسليمان الملك وقد مَلَك الحكمة بين يديه، لم تمنعه من السقوط في الضعفات، لِما لا وأبوه وقد كان قلبه كقلب الله غلبته بشريته وراح يهوى فهوى من مجده ومكانته وأتخذ قرارات لا تتفق ومشيئة الله هكذا فعل وفعل من بعده فكل الأنبياء أصابوا وأخطأوا ومن بعدهم الرسل الكرام فها بطرس يستخدم سيفه ثم ينكر سيده، وها توما يشك مرات ومرات ثم يكرز في أقصى بقاع الأرض ومن بعده بولس ينفعل على بطرس أمام الناس ويوبخه حين عاد للتهود أمام جنسه فأعتبره مُرائياً ، هكذا أيضاً رأينا آباءنا البطاركة منهم من بنى ومنهم من أكمل البناء منهم من زرع ومن من روى، منهم من نجح في أشياء ورسب في أشياء.
يؤسفني أن أجد في هذا الزمان ولا سيما على مواقع التواصل الاجتماعي أن الثوابت أضحت متغيرات والمتغيرات باتت ثوابت، فالروحانية، المحبة، الاحترام والتواضع ثوابت صارت متغيرات، تتغير حين لا يعجبنا القائل أو الكاتب أو المشارك، والمتغيرات جعلوها ثوابت فكل الممارسات المادية والحسية التي لا تمس ثوابت العقيدة والإيمان، جعلوها ثوابت يهان من يقترب منها خاصة إن كان من تمسك بها شخصا يحبونه فضاع الحق وتوقف البناء.
يوما وبعد أن أنهى بولس الرسول رحلته التبشيرية الأولى الت يشاركه فيها برنابا الرسول أراد بولس أن يبدأ رحلته الثانية فطلب برنامج أن يكون معهما مرقس الرسول وهو إبن أخت برنابا ولكن بولس رفض وقال لقد تركني مرقس في وسط الخدمة ونحن في مدينة مفيلية وعاد فلا أريده معي فأختلف بولس ويقول الكتاب أن المشاجرة أدت إلى المفارقة وكما يقول نيافة الأنبا سيرابيون، أطال الله عمره، في مقال نشره في مجلة الكرازة -أغسطس 2017، "أن الاختيار الإلهي لا يعطي عصمة للمختارين ولكن يعطيهم قوة ونعمة. كما أن حدوث ضعفات في حياة المختارين لا يشكّك في اختيار الله لهم، ولكن يؤكد حقيقة قالها القديس بولس الرسول «ليس أنّي قد نِلتُ أو صِرتُ كامِلًا، ولكني أسعَى لَعَلّي أُدرِكُ الّذي لأجلِهِ أدرَكَني أيضًا المَسيحُ يَسوعُ» (فيلبي3: 12-14)".
في سبتمبر عام 403 م. عقد البابا ثاؤفيلس البابا الثالث والعشرون مجمعًا ضم فيه الأساقفة الموالين له في المجمع في مكان خارج القسطنطينية ودعا يوحنا ذهبي الفم ليمثل أمامهم ليحاكموه . شعر ذهبي الفم بمرارة الظلم ورفض المثول وكما كتب الباحث والمؤرخ القمص اثناسيوس فهمي ، أطال الله عمره، أن ذهبي الفم اشترط " ن ينحى أعداؤه من المجمع الذين يضمرون له حكمًا مسبقًا دون انتظار دفاعه. وقرئت الادعاءات في غياب القديس ذهبي الفم، واتخذ بسرعة قرار الحكم في أقل مدة ممكنة، وبأكثر عدد من الاتهامات الملفقة من أساسها". بعدها تم نفيه في جبل طوروس في شمال أرمينيا.
اختارت العناية الإلهية ابن أخت البابا ثاؤفيلس ليكون بطريركا على كرسي الإسكندرية باسم البابا كيرلس الملقب بعامود الدين البابا الرابع والعشرين وفي بداية عهده كبطريرك كان تأثرًا بالقضية التي ثارت بين خاله البابا ثيؤفيلس وبين القديس يوحنا ذهبي الفم، فعكف على دراسة هذه القضية وقام بإلغاء الحرْم دون الحاجة إلى عقد مجمع كنسي بل أكثر من ذلك قام بتكريم القديس يوحنا ذهبي الفم والاعتراف بفضله أمام الجميع، وأشاد بمؤلفاته الكثيرة ذات القيمة العظيمة، كما أنه أثناء قيام البابا كيرلس بتدوين قداس القديس مرقس الرسول دوَّن اسم القديس ذهبي الفم في قائمة أسماء القديسين الذين يُذكَرون فيه، وهكذا وضع البابا كيرلس حدًا نهائيًا لهذه القضية.
كلنا يعلم أن الكنيسة القبطية في العصر الحديث أعطاها الله بطاركة عظماء لا يختلف عنهما أثنان ولكن لكل بطريرك نقاط قوة ونقاط ضعف وهي حقيقة لابد أن نضعها أمام عينينا فكمال الله لا يمكن أن يوضع على البشر فحين جاء البابا كيرلس السادس أعاد للكنيسة قوة الصلاة واهتم بعمل قداسات يومية وظهرت منه عجائب كثيرة حتى أن الكنيسة بعد أربعين عاما سجلته كأحد قدسييها ولكنه لم يهتم بالإداريات ووقع بينه وبين المجلس ملي خلاف ضخم أدى إلى أن الريس عبد الناصر ألغى المجلس الملبي فتكونت مجموعات ضد البابا وحينما جاء البابا شنودة الثالث بدأ الناس يقولون كيف سيملأ كرسي البابا كيرلس السادس لكنه قام بنهضة ضخمة ملموسة ونجاحات في مجالات الخدمة المختلفة لكنه أخفق في إدارة ملف المحاكمات الكنسية وهذا لا يقلل مطلقا بعظمة هذا الأب وتعبه في الخدمة وحين جاء البابا تواضروس بدأ بنهضة كبيرة وتطوير للإكليريكية والمعاهد التعليمية وقد أظهر مرونة كبيرة في فكرة إعادة المحاكمات أو العفو عن آباء إمتدت مدة عقوباتهم لسنوات.
لقد قمت مؤخراً بتقديم مشروع قانون للمحاكمات الكنسية لقداسة البابا تواضروس والذي وعدني بدراسته مع القانونيين المختصين وراعيت في القانون أن يسمح للتقاضي أن يكون على درجتين ويكون هناك فرصة كاملة للمدعي عليه أن يدافع عن نفسه متمسكاً بالمبدأ الكتابي بأعطاء :" الرجل المبتدع بعد الإنذار مرة ومرتين، أعرض عنه" (تيطس ٣ :١٠) وتكون إجراءات المحاكمة بكل شفافية وعدالة وألا يصدر الحكم من أبدى رأيه في الأمر فلا يصح أن يكون مُصدر الحُكم يمسك في يديه الادعاء والقضاء في ذات الوقت.
نختلف أم نتفق فعلينا أن نعلم أن الكنيسة مجاهدة وستظل تجاهد نحو كمالها في المسيح ولا أحد يستطيع أن يتزكى أمام الله فالكل تحت الضعف وعلينا الآن أن نحمي المحبة لا أن نحمي الإيمان ، حماية المحبة أفضل من حماية الإيمان فالإيمان بدون محبة وإن نقل صاحبه الجبال سيهلكه حتماً .

اغنية ضد التحرش!!

 روزالين فهيم تكتب:

في وسط الأغاني الصاخبة و الكلمات المؤذية التي تطل علينا بين الحين و الأخر من أغان حديثة, تظهر أغنية جديدة في فكرها و في ما تطرحه حيث تناقش قضية التحرش وتؤكد ان كل من يتعرض لها ليس سببا فيها و انما هو مجني عليه ايضا. و قد  غنتها  الصوت القوي الشجي  المطربة الشابة فرح بسمة  في اغنيتها " هتفرقي "من تأليف الشاعر الحساس يوسف سمير و ألحان  المبدع احمد محي و توزيع الموهوب محمد صلاح  .و تعتبر هذه الاغنية فخرا لكل من اشترك فيها. و من الجدير بالذكر انه حتى اثناء تصوير الاغنية صادف المشاركون في التصوير بعض المضايقات و التحرش ايضا!!

و قد اشاد المجلس القومي للمرأة و جمعية سيدات مصر و ايدت هيئة و اكاديمية الفنون  هذه الاغنية كما تم عرضها  في فاعليتها في مؤتمرها المقام بشعار" لا للعنف ضد المرأة" بالتعاون مع المجلس القومي للمرأة. كما تم استضافة المطربة الصاعدة بسمة في برنامج صدى البلد و برنامج فنون النيل الثقافية و برنامج صباح الخير يا مصرو برنامج القاهرة اليوم .

و من الجدير بالذكر أن المطربة الواعدة فرح بسمة قد قامت بغناء اغنيتها الجديدة "هتفرقي" على مسرح دار الاوبرا و مسرح مركز الابداع بالإسكندرية بجانب اغنيتها السابقة "انا و حلمي" و التي تحكي عن مشوار كفاح و تؤكد على عدم الاستسلام لأي عوائق مهما كانت .و قد كتب هذه الاغنية الشاعر الموهوب يوسف سمير و لحنها الدكتور المبدع محمد حسني.

و بسؤال فرح بسمة عن كيفية دخولها عالم الفن .روت كيف  اكتشفا والدها ووالدتها  فيها الموهبة في سن مبكرة جدا في السادسة من العمر و قد تفرغا  لها من هذا الحين بتشجيعها و دفعها للدارسة الفنية المتخصصة على ايدي افضل المتخصصين في المجال.

و قد اكدت فرح بسمة رغبتها الشديدة في استكمال دراستها الفنية و حرصها الشديد على تقديم رسالة الفن الهادف من خلال رسائل واضحة بصوتها الناعم السوبرانو الحساس و اختيار مواضيع ذات مغذى و التعاون الدائم مع الشعراء و الملحنين المتميزين. فاذا اردت محاربة فكرا  خاطئا منتشرا في مجتمع ما فعليك بإنتاج اعمال فنية من اغان و اعمال درامية لتخلق افكار جديدة بديلة و تقدمة في وسائل الاعلام المختلفة. شكرا بسمة فرح و لكل فريق العمل ولكل من يريد تقدم هذه الامة بفكر مطور بناء.